जिल्हा माहिती कार्यालय, ठाणे

ठाणे,दि.31(जिमाका) :-  महाराष्ट्र शासन विभागामार्फत राज्यातील ऑटोरिक्षा आणि मीटर्ड टॅक्सी चालकांच्या कल्याणासाठी धर्मवीर आनंद दिघे साहेब महाराष्ट्र ऑटो रिक्षा आणि मीटर्ड टॅक्सी चालक कल्याणकारी मंडळ, मुंबई या मंडळाची स्थापना करण्यात आली आहे. या मंडळाचे सभासद होण्याकरीता शासनाने ऑनलाईन विधा उपलब्ध करुन देण्यात आली आहेत. तसेच नोंदणी शुल्क व ओळखपत्र शुल्काची रक्कम राज्यस्तरीय मंडळ यांनी वेळोवेळी निश्चित केल्याप्रमाणे असेल. सध्या यासाठीचे नोंदणी शुल्क व ओळखपत्र शुल्काची रक्कम रुपये 500/- राहील. तसेच वार्षिक सभासद शुल्क रक्कम रुपये 300/- राहिल. शुल्क भरणा करणे बंधनकारक आहे. सदर नोंदणी शुल्क ऑनलाईन पध्दतीने भरणा करावयाचे आहे. धर्मवीर आनंद दिघे साहेब महाराष्ट्र ऑटो रिक्षा आणि मीटर्ड टॅक्सी चालक कल्याणकारी मंडळाच्या अधिकृत वेबसाईटची  https:// ananddighekalyankarimandal.org  ही लिंक दिलेली आहे. या लिंकव्दारे ऑटोरिक्षा आणि मीटर्ड टॅक्सी चालक सभासद नोंदणीसाठी ऑनलाईन अर्ज करु शकतात. वरील लिंकव्दारे रिक्षा चालक आणि टॅक्सीचालक सभासद नोंदणीसाठी सोबत जोडलेल्या चार्टप्रमाणे ऑनलाईन पध्दतीने...

“ मिस्टर परफेक्शनिस्ट ”  अन् माणूस म्हणून अढळ स्थान...!   आज एका अशा प्रशासकाचा सेवानिवृत्तीनिमित्त निरोप समारंभ साजरा होत आहे, ज्यांनी आपल्या कार्याने केवळ प्रशासकीय क्षेत्रातच नव्हे, तर हजारो लोकांच्या हृदयात आदराचे स्थान निर्माण केले आहे. जिल्हाधिकारी श्री.अशोक मंदोदरी अंबादासराव शिनगारे, हे नाव केवळ एक पद नाही, तर ते दूरदृष्टी, कार्यतत्परता, संवेदनशीलता आणि लोककल्याणासाठी सतत धडपडणाऱ्या एका व्यक्तिमत्त्वाचे प्रतीक आहे. आज, दि.31 जुलै 2025 रोजी, ते त्यांच्या गौरवशाली प्रशासकीय सेवेतून निवृत्त होत असताना, त्यांच्या दीर्घ, कार्यक्षम, पारदर्शक आणि लोकहितैषी प्रवासाचा यथोचित सन्मान करणे, हे आपले कर्तव्य आहे. अशोक शिनगारे: एक दूरदृष्टीचा प्रशासक श्री.अशोक शिनगारे यांचा जन्म दि.1 ऑगस्ट 1965 रोजी झाला. हा केवळ योगायोग नाही की, त्यांचा जन्मदिवस 'महसूल दिन' म्हणूनही साजरा होतो. त्यांच्या जीवनात कृषी क्षेत्राचे सखोल ज्ञान रुजले होते, कारण त्यांनी एम.एस.सी. ॲग्रीकल्चरमध्ये आपले शिक्षण पूर्ण केले. या शिक्षणाने त्यांना केवळ जमिनीशी जोडले नाही, तर मातीतील प्रत्येक कणाला न्याय देण्याची प्...

ठाणे,दि.29(जिमाका):-  सर्व किरकोळ रासायनिक खत विक्रेत्यांना सूचित करण्यात येते की, अनुदानित रासायनिक खतांची विक्री ही ई-पॉस (e-PoS) प्रणालीच्या माध्यमातून करणे बंधनकारक आहे. खत विक्रीच्या नोंदी या तात्काळ आणि अचूक पद्धतीने प्रणालीमध्ये समाविष्ट होणे आवश्यक आहे. यासाठी खालील बाबतीत कार्यवाही करण्यात यावी. ·          ई-पॉस (e-PoS) स्टॉक व प्रत्यक्ष साठा समान असणे. विक्रेत्यांच्या e-PoS प्रणालीवरील खत साठा व प्रत्यक्ष गोडाऊनमधील साठा यामध्ये कोणतीही तफावत असू नये. यासाठी रासायनिक खतांच्या विक्रीची नोंद iFMS प्रणालीमध्ये तत्क्षणी (Real Time) घेणे बंधनकारक आहे. याबाबात नियमित तपासणी करण्यासाठी क्षेत्रीय स्तरावरील खत निरीक्षकांना निर्देश देण्यात आले आहेत. ज्या विक्रेत्यांकडे e-PoS वरील खत साठा व प्रत्यक्ष साठा यामध्ये फरक आढळेल, अशा विक्रेत्यांच्या परवान्यांवर नियामोचीत कारवाई करण्याच्या सूचना परवाना अधिकारी यांना देण्यात आल्या आहेत. ·          नवीन L1 security e-PoS मशीनबाबत. ज्या विक्रेत्यांनी अद्याप नवीन L...

ठाणे,दि.28(जिमाका):-  महाराष्ट्रामध्ये एखादा उद्योग कसा सुरु करावा, उद्योग सुरू करण्याकरिता लागणारे लायसन्स, परवाने, ना हरकत प्रमाणपत्र, इत्यादी बाबतची माहिती तसेच वेगवेगळ्या उद्योग स्थापनेमध्ये व चालविण्यामध्ये शासनाकडून मिळणाऱ्या विविध सवलती, अस्तित्वात असलेल्या उद्योगधंद्याबाबतच्या शासनाशी निगडित समस्या, महाराष्ट्रातून विविध उत्पादनाचे विदेशामध्ये एक्सपोर्ट कसे करावे, एक्सपोर्ट करण्याकरिता शासनाकडून मिळणाऱ्या विविध सवलती इत्यादीवर मार्गदर्शन करण्याकरिता उद्योग विभागांतर्गत  “ मैत्री सेल ” च्या  १८००-२३३-२०३३  या टोल फ्री क्रमांकाद्वारे मोफत माहिती देण्याची सुविधा सुरू आहे. या टोल फ्री क्रमाकांसोबतच कार्यालयीन  ०२२-२२६२२३२२ ,  २२६२२३६१  या दूरध्वनी क्रमांकावरही मार्गदर्शन करण्यात येणार आहे. तरी अधिकाधिक उद्योजकांनी उद्योगाविषयी माहिती मिळविण्याकरिता उद्योग विभागाच्या या क्रमांकांवर संपर्क साधावा, असे आवाहन जिल्हा उद्योग केंद्राच्या महाव्यवस्थापक सोनाली देवरे यांनी केले आहे. 00000

ठाणे,दि.28(जिमाका):-  कामाच्या ठिकाणी महिलांचा लैंगिक छळ (प्रतिबंध मनाई अणि निवारण) अधिनियम 2013 (Posh Act) ची प्रभावी अंमलबजावणी करण्यासाठी Posh Act 2013 मधील कलम 4 (1) अन्वये ज्या कार्यालयामध्ये 10 किंवा 10 पेक्षा जास्त कर्मचारी असतील, अशा सर्व खाजगी आस्थापनांमध्ये अंतर्गत समिती स्थापन करणे बंधनकारक आहे. तसेच या अंतर्गत समितीची नोंदणी SHE BOX PORTAL वर करण्याबाबत केंद्र शासनाचे निर्देश आहेत. त्यासाठी ठाणे जिल्ह्यातील सर्व खाजगी आस्थापनांनी SHE BOX PORTAL वर नोंदणी करण्याचे आवाहन जिल्हा महिला व बाल विकास अधिकारी नमिता शिंदे यांनी केले आहे. SHE BOX पोर्टलवर खाजगी आस्थापनेतील अंतर्गत समिती नोंदविण्याची कार्यपध्दती पुढीलप्रमाणे आहे. SHE BOX पोर्टलवर अंतर्गत समिती नोंदविण्यासाठी  https://shebox.wcd.gov.in  या वेबसाईटवरील होम स्क्रिनवर दाखविल्याप्रमाणे अंतर्गत समिती नोंदवा (Private Head Office Registration) या टॅबवर Click करुन आवश्यक त्या सर्व महितीचा तपशिल भरुन Submit या Tab वर Click करुन अंतर्गत समितीची माहिती नोंदविता येईल, असे जिल्हा महिला व बाल विकास अधिकारी नमिता शिंदे ...

ठाणे,दि.23(जिमाका):-  जिल्हा कौशल्य विकास रोजगार व उद्योजकता मार्गदर्शन केंद्र व लाईट हाऊस कम्युनिटीज फाउंडेशन यांच्या संयुक्त विद्यमाने दि.22 जुलै  2025 रोजी सुशिक्षित बेरोजगार उमेदवारांना रोजगाराच्या संधी मिळाव्यात याकरिता महावीर हाईट्स, वीर सावरकर रोड, डोंबिवली (पू.) येथे पंडित दीनदयाळ उपाध्याय रोजगार मेळाव्याचे (प्लेसमेंट ड्राईव्ह) आयोजन करण्यात आले होते. या रोजगार मेळाव्यामध्ये एकूण 10 उद्योजकांनी सहभाग घेतला असून यामध्ये 60 उमेदवारांनी मुलाखती दिल्या व त्यामध्ये एकूण 48 उमेदवारांची प्राथमिक व 7 उमेदवारांची अंतिम निवड करण्यात आली. याप्रसंगी जिल्हा कौशल्य विकास रोजगार व उद्योजकता मार्गदर्शन केंद्राच्या कल्पना पाटील, लाईट हाऊस कम्युनिटीज फाउंडेशन केंद्र प्रमुख शेफाली शिरसेकर उपस्थित होते. 00000

ठाणे,दि.23(जिमाका):-  जिल्हा कौशल्य विकास रोजगार व उद्योजकता मार्गदर्शन केंद्र व उत्कर्ष ग्रामस्थ मंडळ, नवी मुंबई यांच्या संयुक्त विद्यमाने दि.22 जुलै 2025 रोजी सुशिक्षित बेरोजगार उमेदवारांना रोजगाराच्या संधी मिळाव्यात, याकरिता शेतकरी समाज हॉल, सेक्टर 4-अ, कोपरखैरणे, नवी मुंबई येथे पंडित दीनदयाळ उपाध्याय रोजगार मेळाव्याचे आयोजन करण्यात आले होते. या रोजगार मेळाव्यामध्ये एकूण 21 उद्योजकांनी सहभाग घेतला असून एकुण 510 उमेदवारांनी मुलाखती दिल्या व त्यामध्ये एकूण 139 उमेदवारांची प्राथमिक व 14 उमेदवारांची अंतिम निवड करण्यात आली.  या कार्यक्रमाचे उद्घाटन माजी लोकसभा सदस्य संजय नाईक यांच्या हस्ते करण्यात आले. याप्रसंगी जिल्हा अग्रणी बँकेचे व्यवस्थापक अभिषेक पवार, कौशल्य विकास, रोजगार व उद्योजकता, मुंबई विभागाचे उपायुक्त सचिन जाधव, जिल्हा कौशल्य विकास रोजगार व उद्योजकता मार्गदर्शन केंद्राच्या सहायक आयुक्त संध्या साळुंखे, राजेश पाटील, जिल्हा समन्वयक शुभम शिंदे, माजी सभागृह नेते रवींद्र इथापे, मुख्याध्यापिका श्रीमती भाग्यश्री चौधरी, समाजसेवक कृष्णा पाटील, सामाजिक कार्यकर्ते अमित ढोमसे उपस...

ठाणे,दि.23(जिमाका):-  जिल्हा कौशल्य विकास, रोजगार व उद्योजकता मार्गदर्शन केंद्र, ठाणे व सतीश प्रधान ज्ञानसाधना महाविद्यालय यांच्या संयुक्त विद्यमाने दि.22 जुलै 2025 रोजी सुशिक्षित बेरोजगार उमेदवारांना रोजगाराच्या संधी मिळाव्यात याकरीता सतीश प्रधान ज्ञानसाधना महाविद्यालय येथे पंडित दीनदयाळ उपाध्याय रोजगार मेळाव्याचे आयोजन करण्यात आले होते. या रोजगार मेळाव्यामध्ये एकूण 20 उद्योजकांनी सहभाग घेतला तर एकूण 220 उमेदवारांनी मुलाखती दिल्या व त्यामध्ये एकूण 48 उमेदवारांची प्राथमिक निवड करण्यात आली. या कार्यक्रमाचे उद्घाटन माजी राज्यसभा सदस्य विनय सहस्त्रबुद्धे यांच्या हस्ते करण्यात आले. याप्रसंगी पोलीस उपायुक्त झोन-5 प्रशांत कदम, सतीश प्रधान ज्ञानसाधना महाविद्यालयाचे प्राचार्य गणेश भगुरे, ठाणे महानगरपालिकेचे माजी नगरसेवक ॲड. संदीप लेले, माजी नगरसेवक श्रीमती मृणाल पेंडसे, माजी नगरसेवक भरत चौहान, प्रशांत जाधव, लाईट हाऊस कॉम्युनिटीज फाऊंडेशन, ठाणे केंद्रप्रमुख अविनाश पवार व ठाणे कौशल्य विकास रोजगार व उद्योजकता मार्गदर्शन अधिकारी रविंद्र सुरवसे उपस्थित होते. 00000

ठाणे,दि.23(जिमाका):-  ठाणे/पालघर सैनिक कल्याण कार्यालयाच्या कार्यक्षेत्रात वास्तव्यास असणाऱ्या माजी सैनिक/माजी सैनिक विधवा, ज्यांचे पाल्य शैक्षणिक वर्ष 2024-2025 मध्ये शालांत (इ.10 वी) परिक्षेमध्ये 90% व उच्च माध्यमिक (इ.12 वी) परिक्षेमध्ये 85% पेक्षा जास्त गुण मिळवून उत्तीर्ण होवून शैक्षणिक वर्ष 2025-26 मध्ये पुढील शिक्षण घेत आहेत व ज्यांचे पाल्य पदवी किंवा पदव्युत्तर शिक्षण घेत असलेल्या विद्यापीठात प्रथम क्रमांकाने उत्तीर्ण झाले आहेत किंवा ज्या माजी सैनिक/माजी सैनिक विधवा यांच्या पाल्यांना IIT, IIM, AIIMS अशा नामवंत व ख्याती प्राप्त संस्थामध्ये प्रवेश मिळाला आहे, तसेच राष्ट्रीय व आंतर राष्ट्रीय पातळीवर खेळातील पुरस्कार प्राप्त खेळाडू, साहित्य, संगीत, गायन, नृत्य इ. क्षेत्रातील उत्कृष्ट कामगिरी करणारे, पूर, जळीत, दरोडा, अपघात अगर इतर नैसर्गिक आपत्तीमध्ये बहुमोल कामगिरी करणारे तसेच देश/राज्याची प्रतिष्ठा वाढवतील अशा स्वरुपाचे लक्षणीय काम करणारे माजी सैनिक/पत्नी/पाल्य इत्यादींना विशेष गौरव पुरस्कार प्रदान करण्यात येणार आहेत. अर्ज मिळण्याकरिता माजी ‍सैनिकांनी स्वत:च्या ईमेलवरुन या का...

ठाणे,दि.23(जिमाका):-  लोकमान्य बाळ गंगाधर टिळक यांच्या जयंतीनिमित्त जिल्हाधिकारी कार्यालयातील समिती सभागृहात निवासी उपजिल्हाधिकारी डॉ.संदीप माने यांनी त्यांच्या प्रतिमेस पुष्पहार अर्पण करून अभिवादन केले. तसेच त्यांच्यासह तहसिलदार (सर्वसाधारण) सचिन चौधर यांनीही त्यांच्या प्रतिमेस पुष्पहार अर्पण करून अभिवादन केले. याप्रसंगी अव्वल कारकून सुमेध राऊत तसेच जिल्हाधिकारी कार्यालयातील अधिकारी-कर्मचारी उपस्थित होते. 00000

ठाणे,दि.22(जिमाका):-  कामाच्या ठिकाणी महिलांचा लैंगिक छळापासून संरक्षण (प्रतिबंध, मनाई व निवारण) अधिनियम 2013 अंतर्गत जिल्हास्तरावर कामाच्या ठिकाणी महिलांचा होणाऱ्या लैंगिक छळाच्या तक्रारींची चौकशी करण्यासाठी जिल्हास्तरीय स्थानिक समिती कार्यरत असते. शासन निर्णय क्र.मकची-2014/ प्र.क्र.63/ मकक दि.11 सप्टेंबर, 2014 अन्वये जिल्हाधिकारी, ठाणे यांच्या निर्देशानुसार जिल्हास्तरावर स्थानिक समिती गठीत करण्यासाठी अध्यक्ष व सदस्य पदासाठी खालीलप्रमाणे अनुभव असलेल्या व्यक्तींकडून प्रस्ताव मागविण्यात येत आहेत. अ)   अध्यक्ष-  सामाजिक कार्याचा 5 वर्षाचा अनुभव असलेली महिलांच्या सोयीसाठी बांधिल असलेली माहिला. ब)   दोन सदस्य-  महिलांच्या सोयीसाठी बांधिल असलेल्या अशा अशासकीय संघटना / संघ किंवा लैंगिक छळाच्या प्रश्नांशी परिचीत असलेली व्यक्ती, त्यांच्या पैकी किमान एक सदस्य महिला असावी. 1. त्यापैकी कायद्याची पार्श्वभूमी असलेली व्यक्ती. 2. तसेच अनुसूचित जाती-अनुसूचित जमाती किंवा इतर मागास वर्ग किंवा अल्प संख्यांक समाजातील महिला. अर्जदार ठाणे जिल्ह्यातील रहिवासी असावा तसेच त्यांच्यावर को...

ठाणे,दि.22(जिमाका):-  जिल्हाधिकारी अशोक शिनगारे यांच्या प्रमुख उपस्थितीत आज कल्याण उपविभागीय अधिकारी कार्यालयामध्ये आयोजित कार्यक्रमात आय.डी.बी.आय. बँक लिमिटेड यांच्या सी.एस.आर. निधीतून कल्याण तालुक्यातील काही शाळांना व शासकीय रुग्णालयांना संगणक, प्रिंटर्स व टॅब्सचे वाटप करण्यात आले. यावेळी जिल्हाधिकारी श्री.शिनगारे यांनी बँकेमार्फत राबविण्यात येणाऱ्या सामाजिक उपक्रमांचे कौतुक केले. कल्याण उपविभागीय अधिकारी कार्यालयाच्या केलेल्या नुतनीकरणाची पाहणी करुन त्यांनी समाधान व्यक्त केले. तसेच कार्यालयीन अधिकारी-कर्मचाऱ्यांच्या कामाबाबत समाधान व्यक्त करुन निरंतरपणे लोकहितार्थ सेवा देण्यासाठी शुभेच्छा दिल्या. कार्यालयाच्या आवारात वृक्षारोपण देखील करण्यात आले. यावेळी जिल्हा परिषदेचे मुख्य कार्यकारी अधिकारी रोहन घुगे, अपर जिल्हाधिकारी हरिश्चंद्र पाटील, पोलीस उपायुक्त अतुल झेंडे, उपविभागीय अधिकारी विश्वास गुजर, आय.डी.बी.आय. बँकेचे मुख्य व्यवस्थापक रंजनकुमार रथ, ठाणे विभाग व्यवस्थापक रंजन कन्हैया तसेच इतर मान्यवर उपस्थित होते. या मान्यवरांनी कल्याण तहसिल कार्यालयादेखील भेट दिली. 00000  

ठाणे,दि.22(जिमाका):-  भारत निवडणूक आयोगाकडून प्राप्त दि.17 जून 2025 च्या पत्र व त्यासोबतच्या SOP नुसार विधानसभा सार्वत्रिक निवडणूक 2024 मधील ठाणे जिल्ह्यातील 147-कोपरी पाचपाखाडी व 148-ठाणे या विधानसभा मतदारसंघातील अर्जदार उमेदवार श्री.राजन विचारे व श्री.केदार दिघे यांनी केलेल्या मागणीनुसार केंद्र क्रमांक अनुक्रमे 305 व 68 मधील ईव्हीएम व्हीव्हीपॅटच्या Burnt memory/microcontroller च्या तपासणी व पडताळणीची प्रक्रिया दि.19 जुलै 2025 रोजी केंद्रीय वखार महामंडळ, तुर्भे, नवी मुंबई येथे करण्यात आली आहे. भारत निवडणूक आयोगाकडील निर्देशानुसार व विहित कार्यपध्दतीनुसार (SOP) अर्जदार उमेदवार यांनी ईव्हीएम-व्हीव्हीपॅट मशीनच्या Burnt memory/microcontroller तपासणीच्या अनुषंगाने उपलब्ध असलेले 1. Diagnostic Checking व 2. Mock Poll या पर्यायापैकी Diagnostic Checking करण्याबाबतचा पर्याय निवडला. भारत निवडणूक आयोग यांच्याकडील कार्यपध्दतीनुसार (SOP) Diagnostic Checking या पर्यायानुसार अर्जदाराने निवड केलेल्या मतदान केंद्रावरील प्रत्यक्ष वापरण्यात आलेली BU, CU व VVPAT यांची जोडणी करण्यात येते. जोडणी केल्यान...

ठाणे,दि.21(जिमाका):-  महाराष्ट्र शासनातर्फे दि.22 जुलै 2025 ते 22 ऑगस्ट 2025 या कालावधीत राज्यभर  “ मोतीबिंदू मुक्त महाराष्ट्र ”  या विशेष मोहिमेचे आयोजन करण्यात आले आहे. या मोहिमेदरम्यान शासकीय, NGO व खाजगी व्यावसायिक यांच्यामार्फत राज्यात एक लक्ष मोतीबिंदू शस्त्रक्रिया करण्याचे उद्दिष्ट निर्धारित करण्यात आले आहे. त्या दृष्टिकोनातून संपूर्ण जिल्ह्यात विविध ठिकाणी मोतीबिंदू सर्वेक्षण शिबिरे व शासकीय रुग्णालयात शस्त्रक्रिया शिबिरांचे आयोजन करण्यात आले आहे. तरी नागरिकांनी या मोहिमेमध्ये सहभागी होवून नजीकच्या शासकीय रुग्णालयात लाभ घ्यावा, असे आवाहन जिल्हा आरोग्य विभागामार्फत करण्यात आले आहे. 00000

ठाणे,दि.21(जिमाका):-  ठाणे जिल्हाधिकारी कार्यालय मुख्यमंत्री सहाय्यता निधी कक्ष, स्थानिक नगरसेवक व सामाजिक संस्थांच्या संयुक्त विद्यमाने कल्याण येथे दि.20 जुलै रोजी मोफत सामुदायिक आरोग्य शिबिराचे आयोजन करण्यात आले. या आरोग्य शिबिरास माजी मंत्री तथा आमदार रविंद्र चव्हाण यांची विशेष उपस्थिती लाभली. या आरोग्य शिबिरात स्थानिक नागरिकांसाठी विविध वैद्यकीय तपासण्या, रक्तदाब, मधुमेह, डोळे तपासणी, स्त्रीरोग व बालरोग तज्ञांच्या सल्ल्याची सुविधा उपलब्ध करून देण्यात आली होती. तसेच मोफत औषध वाटप, चष्मे वाटप, अंध काठी वाटप, वृद्धांसाठी चरण सेवा आरोग्य जनजागृतीपर माहिती व मार्गदर्शन देण्यात आले. आमदार रविंद्र चव्हाण यांनी शिबिरातील वैद्यकीय टीमचे व मुख्यमंत्री सहाय्यता निधी कक्ष, ठाणे यांचे कौतुक करताना सांगितले की,  “ सामान्य नागरिकांपर्यंत आरोग्य सेवा पोहोचविण्याचा हा उपक्रम अत्यंत स्तुत्य आहे. अशा उपक्रमांमुळे नागरिकांमध्ये आरोग्याविषयी जागरूकता वाढते आणि त्याचा थेट लाभ त्यांना मिळतो. ” या आरोग्य शिबिरास नागरिकांनी मोठ्या संख्येने भेट दिली व वैद्यकीय सुविधांचा लाभ घेतल्या. कार्यक्रमाचे यश...

ठाणे,दि.21(जिमाका):-  केंद्र शासनाने नक्शा या पथदर्शी प्रकल्पासाठी राज्यातील 10 नगरपरिषदांची निवड केली आहे. यामध्ये ठाणे जिल्ह्यातील अंबरनाथ तालुक्यातील कुळगाव-बदलापूर नगर परिषदेची निवड करण्यात आली आहे. नगर परिषदेच्या क्षेत्रातील नगर भूमापनाची कार्यवाही पूर्ण करण्यासाठी भूमी अभिलेख, केंद्र शासनाचा भूमी संसाधन विभाग, सर्व्हे ऑफ इंडिया व संबंधित स्थानिक स्वराज्य संस्था यांच्या मदतीने हा पथदर्शी नक्शा प्रकल्प यशस्वी करण्यात येणार आहे. ठाणे जिल्हा/ कुळगाव-बदलापूर नगरपरिषद हद्दीतही नक्शा कार्यक्रमाची प्रभावीपणे अंमलबजावणी करावी, अशा सूचना अपर जिल्हाधिकारी हरिश्चंद्र पाटील यांनी आज येथे दिल्या. नक्शा कार्यक्रमासंबंधीचा आढावा घेण्याकरिता जिल्हाधिकारी कार्यालय येथे अपर जिल्हाधिकारी हरिश्चंद्र पाटील यांच्या अध्यक्षतेखाली आज बैठक संपन्न झाली. त्यावेळी ते बोलत होते. यावेळी जिल्हा अधीक्षक भूमी अभिलेख नितीन पाटील, अंबरनाथ उप अधीक्षक भूमी अभिलेख सुवर्णा पाटील, कुळगाव-बदलापूर नगरपरिषदेचे मुख्याधिकारी मारुती गायकवाड, विविध विभागांचे अधिकारी उपस्थित होते. केंद्र शासनाच्या नक्शा या पथदर्शी प्रकल्पास...