जिल्हा माहिती कार्यालय, ठाणे

ठाणे,दि.01(जिमाका):-  मुख्यमंत्री सहाय्यता निधी कक्ष, ठाणे यांच्या वतीने दि.27 जुलै 2025 रोजी सहकार विद्यालय, कळवा येथे भव्य सामुदायिक आरोग्य शिबिर आयोजित करण्यात आले. या शिबिराचे उद्दिष्ट गरजू, आर्थिकदृष्ट्या दुर्बल व आजारी नागरिकांना मोफत वैद्यकीय तपासणी, उपचार आणि मुख्यमंत्री आरोग्य निधीची माहिती व मदत पुरविणे हे होते. या शिबिरात विविध शासकीय व खासगी रुग्णालयांचे तज्ञ डॉक्टर, परिचारिका, स्वयंसेवक आणि प्रशासकीय अधिकारी सहभागी झाले होते. या शिबिरामध्ये 1 हजार 510 नागरिकांनी आरोग्य सेवेचा लाभ घेतला. या शिबिरत ECG, रक्तदाब, हृदय विकार तपासणी, मोतीबिंदू, चष्म्याची तपासणी, श्रवण तपासणी, घसा तपासणी, महिलांचे आरोग्य, लहान मुलांची तपासणी, पोषण तपासणी, सांधेदुखी, हाड तपासणी, दातांचे आरोग्य व स्वच्छता, अ‍ॅलर्जी, त्वचेचे विकार, होमिओपॅथी – पर्यायी औषधे व जीवनशैली सल्ला इत्यादी तपासण्या करण्यात आल्या. काही रुग्णांकरिता CBE (Clinical Breast Examination) हे मॅमोग्राफी व्हॅनच्या सहायाने करण्यात आले. अशा शिबिरांमध्ये न्यूरोसर्जन विभाग हा फार महत्त्वाचा ठरतो, कारण मज्जासंस्थेशी संबंधित आजारांची ल...

ठाणे,दि.01(जिमाका):-  शहापूर तालुक्यासारख्या दुर्गम भागात जिथे दळणवळणाच्या सोयी मुबलक प्रमाणात आहेत व वस्ती देखील विखुरलेल्या स्वरूपात आहे, अशा ग्रामीण ठिकाणी लोकांना आपल्या दैनंदिन जीवनातून वेळ काढून जिल्ह्याच्या ठिकाणी जाणे सहज शक्य नसते. ही बाब लक्षात घेऊन अखिल भारतीय मराठा महासंघ, ठाणे ग्रामीण यांच्या वतीने अण्णासाहेब पाटील महामंडळ तसेच बँकेच्या योजनांच्या माहितीचे मार्गदर्शन शिबिर आयोजित करण्यात आले होते. यावेळी मराठा समाजाचा एकही गरजू घटक योजनेपासून दूर राहू नये, याकरिता महामंडळाचे अध्यक्ष नरेंद्र अण्णासाहेब पाटील झपाट्याने काम करीत आहेत. कोकण विभागात लाभार्थी संख्या वाढावी याकरिता आम्ही देखील खेड्यापाड्यात जाऊन मार्गदर्शन शिबिराचे आयोजन करीत आहोत, असे विभागीय समन्वयक प्रतीक्षा चव्हाण यांनी सांगितले. त्याचबरोबर ग्रामीण भागातील लोकांना बँकांकडून कर्जपुरवठा कशाप्रकारे सुलभतेने मिळवता येईल याबद्दल जिल्हा अग्रणी व्यवस्थापक अभिषेक पवार यांनी मार्गदर्शन केले. त्याचबरोबर RSETI (rural self employment training institute) याचा कशाप्रकारे जास्तीत जास्त नागरिक लाभ घेऊ शकतात याबद्दलही त्य...

जिल्हाधिकारी कार्यालय येथे महसूल दिन कार्यक्रम संपन्न   ठाणे,दि.01(जिमाका):-  समाजाची सेवा करण्यासाठी शासकीय नोकरी हे एक महत्वाचे क्षेत्र असून आपण प्रामाणिकपणे जनतेची सेवा केली पाहिजे, असे प्रतिपादन राज्याचे अपर मुख्य सचिव (महसूल) डॉ.विकास खारगे यांनी आज ठाणे जिल्हाधिकारी कार्यालय येथे आयोजित महसूल दिनाच्या कार्यक्रमात केले. यावेळी कोकण विभागीय आयुक्त डॉ.विजय सुर्यवंशी, ठाणे जिल्हाधिकारी डॉ.श्रीकृष्णनाथ पांचाळ, अपर आयुक्त वैशाली इंदानी, अपर जिल्हाधिकारी हरिश्चंद्र पाटील, निवासी उपजिल्हाधिकारी डॉ.संदिप माने, उपजिल्हाधिकारी  (सामान्य प्रशासन)  रुपाली भालके, सह आयुक्त रवी पाटील, रविंद्र पवार, उपजिल्हाधिकारी  ( निवडणूक )   वैशाली माने, उपजिल्हाधिकारी सर्जेराव मस्के-पाटील, अमित सानप, सर्व प्रांताधिकारी, तहसिलदार, व्याख्याते डॉ.दत्ता कोहिनकर, आदि मान्यवर उपस्थित होते. यावेळी अपर मुख्य सचिव   (महसूल) डॉ.विकास खारगे पुढे म्हणाले की, महसूल विभाग हा शासनाचा चेहरा आहे. महसूल विभागाने कोणती कामे केली आहेत व कोणती कामे करणार आहे, हे जनतेपर्यंत पोहोचविले पाहिजे. महस...