जिल्हा माहिती कार्यालय, ठाणे

ठाणे,दि.29(जिमाका):- लाचलुचपत प्रतिबंधक विभाग (एसीबी), ठाणे येथे अप्पर पोलीस अधीक्षक म्हणून भागवत सोनवणे यांनी नुकताच पदभार स्वीकारला आहे. त्यांनी संजय गोविलकर यांच्याकडून या पदाची सूत्रे हाती घेतली आहेत. संजय गोविलकर यांच्या कार्यकाळातही लाचलुचपत प्रतिबंधक विभागाने अतिशय धाडसी कारवाया केल्या. यापूर्वी श्री.सोनवणे हे महाराष्ट्र पोलीस दलात विविध महत्त्वाच्या पदांवर कार्यरत होते. त्यांच्याकडे गुन्हेगारी आणि भ्रष्टाचारविरोधी प्रकरणांचा तपास करण्याचा मोठा अनुभव आहे. त्यांनी नवी मुंबई येथील लाचलुचपत प्रतिबंधक विभागात पोलीस उप अधीक्षक पदावर धडाडीने काम केले आहे, ज्यामुळे त्यांना भ्रष्टाचारविरोधी मोहिमांची सखोल माहिती आहे. तसेच सहायक पोलीस आयुक्त, पनवेल विभाग, नागपूर शहर, मुंबई शहर, नाशिक शहर तसेच महाराष्ट्रातील ग्रामीण भागातही उत्कृष्ट सेवा बजावली आहे. लाचलुचपत प्रतिबंधक विभागाचे पोलीस अधीक्षक श्री.शिवराज पाटील यांच्या मार्गदर्शनाखाली अप्पर पोलीस अधीक्षक म्हणून श्री.सोनवणे यांच्या नियुक्तीमुळे प्रशासकीय कामकाजात अधिक पारदर्शकता येईल आणि लाचखोरीला रोखण्यासाठी सुरू असलेल्या मोहिमांना बळ म...

ठाणे , दि. 28( जिमाका): - ठाणे जिल्ह्यातील खेळाडूंसाठी दर्जेदार सुविधा देण्यासाठी प्रशासन सदैव प्रयत्नशील आहे असे गौरवोद्गार जिल्हाधिकारी डॉ.श्रीकृष्ण पांचाळ यांनी जिल्हाधिकारी कार्यालयातील समिती सभागृहात आयोजित   राष्ट्रीय क्रीडा दिनानिमित्त जिल्ह्यातील पुरस्कार प्राप्त खेळाडूंच्या सन्मान प्रसंगी काढले. यावेळी जिल्हा क्रीडा अधिकारी सुवर्णा बारटक्के , पुरस्कार प्राप्त खेळाडू व त्यांचे नातेवाईक उपस्थित होते. यावेळी जिल्हाधिकारी डॉ.श्रीकृष्ण पांचाळ म्हणाले की , खेळाडूंना प्रोत्साहन देण्यात यावे. जिल्ह्यातील खेळाडूंसाठी ज्या प्रकारच्या सोयी सुविधा उपलब्ध आहेत त्यामध्ये वाढ होणे आवश्यक आहे. खेळाडूंचा कल पाहून त्यांना सर्व प्रकारच्या सोयी सुविधा पुरविण्यात येतील. जिल्ह्यातील खेळाडूं बरोबर संवाद साधण्यासाठी एक कार्यक्रमाचे आयोजित करण्यात येणार आहे. यामध्ये उल्लेखनीय कामगिरी केलेल्या खेळाडूंची नोंदणी करावी. ग्रामीण भागातील तालुका क्रीडा संकुलामध्ये सर्व सुविधा उपलब्ध करुन देण्यात याव्यात. खेळाडूंना शासकीय सेवेत सुध्दा प्राधान्य देण्यात येते.   यावेळी जिल्हाधिकारी डॉ.श्रीकृष्...

ठाणे , दि. 28( जिमाका): श्रमजीवी , स्वतंत्र व्यवसायिक पत्रकार तसेच दैनिक व साप्ताहिक वृत्तपत्रांच्या संपादकांनी अधिस्वीकृती पत्रिका मिळविण्यासाठी 5 सप्टेंबर 2025 पूर्वी अर्ज करण्याचे आवाहन ठाणे जिल्हा माहिती कार्यालयाने केले आहे. येत्या 13 आणि 14 सप्टेंबर रोजी होणाऱ्या राज्य अधिस्वीकृती समितीच्या बैठकीच्या अनुषंगाने , कोकण विभागाची पूर्वतयारी बैठक 8 सप्टेंबर , 2025 रोजी पालघर येथे आयोजित करण्यात आली आहे. या बैठकीत नवीन अर्जांवर निर्णय घेतला जाणार आहे. तरी ठाणे जिल्ह्यातील इच्छुक व पात्र पत्रकार आणि संपादकांनी तातडीने जिल्हा माहिती कार्यालयाशी संपर्क साधावा आणि त्यांचे अर्ज आवश्यक कागदपत्रांसह दि. 5 सप्टेंबर 2025 पूर्वी अर्ज सादर करून या संधीचा लाभ घ्यावा , असे आवाहन जिल्हा माहिती अधिकारी मनोज सुमन शिवाजी सानप यांनी केले   आहे. 00000

ठाणे , दि.27 (जिमाका): - भारत सरकारच्या क्रीडा मंत्रालयाच्या सूचनांनुसार , क्रीडा व युवक सेवा संचालनालय , महाराष्ट्र राज्य , पुणे अंतर्गत जिल्हा क्रीडा परिषद , ठाणे आणि जिल्हा क्रीडा अधिकारी कार्यालय , ठाणे यांनी राष्ट्रीय क्रीडा दिन साजरा करण्यासाठी विविध कार्यक्रमांचे आयोजन केले आहे. हे कार्यक्रम २८ ते ३१ ऑगस्ट २०२५ या कालावधीत होणार आहेत. पुरस्कारप्राप्त खेळाडूंचा सन्मान राष्ट्रीय क्रीडा दिनाच्या निमित्ताने , २८ ऑगस्ट २०२५ रोजी दुपारी १२:३० वाजता ठाणे जिल्ह्यातील शिवछत्रपती राज्य क्रीडा पुरस्कार (२०२२-२३ आणि २०२३-२४) विजेते आणि आंतरराष्ट्रीय स्तरावर भारताचे प्रतिनिधित्व केलेल्या खेळाडूंचा सत्कार समारंभ आयोजित करण्यात आला आहे. हा सन्मान सोहळा ठाण्याचे जिल्हाधिकारी डॉ. श्रीकृष्ण पांचाळ यांच्या हस्ते पार पडेल , ज्यामुळे खेळाडूंच्या कामगिरीची दखल घेतली जाईल आणि त्यांना प्रोत्साहन मिळेल. १० किलोमीटरची सायकल रॅली या कार्यक्रमांचा एक भाग म्हणून , ३१ ऑगस्ट २०२५ रोजी ' संडे ऑन सायकल ' या उपक्रमांतर्गत सकाळी ७ वाजता १० किलोमीटरची सायकल रॅली काढण्यात येणार आहे. जिल्हाधिकारी का...

ठाणे , दि.26 (जिमाका):- गणेशोत्सवाच्या पार्श्वभूमीवर जिल्ह्यातील रस्ता सुरक्षा संदर्भात   सर्व यंत्रणांनी सतर्क राहून , मिशन मोडवर काम करावे , असे निर्देश जिल्हाधिकारी डॉ.श्रीकृष्ण पांचाळ यांनी आज ठाणे जिल्ह्यातील रस्ता सुरक्षा संदर्भात जिल्हाधिकारी कार्यालयातील समिती सभागृहात आयोजित बैठकीत केले. यावेळी पोलीस अधीक्षक (ग्रामीण) डॉ.डी.एस.स्वामी , पोलीस उपायुक्त (वाहतूक) पंकज शिरसाठ , निवासी उपजिल्हाधिकारी डॉ.संदिप माने , महानगरपालिका , जिल्हा परिषद , सार्वजनिक बांधकाम विभाग , मुंबई महानगर प्रदेश विकास प्राधिकरण , महाराष्ट्र राज्य रस्ते विकास महामंडळ , प्रादेशिक परिवहन विभाग , राष्ट्रीय राजमार्ग प्राधिकरण विभाग , उपविभागीय अधिकारी कार्यालय , तहसिल कार्यालय इ. विविध विभागांचे अधिकारी उपस्थित होते. जिल्हाधिकारी डॉ.श्रीकृष्ण पांचाळ यांनी ठाणे जिल्ह्यातील रस्त्यांची दुरुस्ती व नियोजन , अवजड वाहतूक नियंत्रण व नियोजन व पर्यायी मार्गाची आखणी , अपघतांची संख्या कमी करणे आणि नागरिकांच्या सुरक्षेसंदर्भात करावयाच्या कार्यवाही याबाबतचा सविस्तर आढावा घेतला. या बैठकीत त्यांनी ठाणे जिल्ह्यात...

ठाणे , दि. 26 ( जिमाका):- मुंबई महानगर क्षेत्र परिवहन प्राधिकरणाच्या दि. 19 जून 2020 रोजीच्या बैठकीमध्ये ठराव क्रमांक 18/2020 अन्वये रुग्णवाहिकेचे दर निश्चित करण्यात आले आहेत. या निर्णयातील अट क्रमांक 03 नुसार रुग्णवाहिकांचे दरपत्रक सर्व रुग्णवाहिकांच्या आतील बाजूस प्रदर्शित करणे चालक व मालक यांना बंधनकारक करण्यात आले आहे. वाहनाचा प्रकार - मारुती व्हॅन - 25 कि.मी. अथवा 2 तासांकरिता 700 रु. , 25 कि.मी. अथवा 2 तासांनंतर लागू होणारे भाडेदर प्रति कि.मी. - 14 रु. वाहनाचा प्रकार - टाटा सुमो व मॅटॅडोर सदृश्य कंपनीने बांधणी केलेले वाहने - 25 कि.मी. अथवा 2 तासांकरिता - 840 रु. , 25 कि.मी. अथवा 2 तासांनंतर लागू होणारे भाडेदर प्रति कि.मी. - 14 रु. , वाहनाचा प्रकार - टाटा 407 स्वराज माझ्दा आदींच्या साच्यावर बांधणी केलेली वाहने - 25 कि.मी. अथवा 2 तासांकरिता- 980 रु. , 25 कि.मी. अथवा 2 तासांनंतर लागू होणारे भाडेदर प्रति कि.मी. 20 रु. , वाहनाचा प्रकार - आय.सी.यू. अथवा वातानुकुलित वाहने - 25 कि.मी. अथवा 2 तासांकरिता- 1190 रु. , 25 कि.मी. अथवा 2 तासांनंतर लागू होणारे भाडे...

ठाणे , दि. 25( जिमाका):- उप प्रादेशिक परिवहन कार्यालय , कल्याण येथे दुचाकी या संवर्गासाठी MH05GC ही नविन मालिका दि. 04 सप्टेंबर 2025 रोजी सुरु करण्यात येणार आहे. तरीही नविन दुचाकी वाहनांसाठी आकर्षक क्रमांक घेण्यासाठीचे दि. 25, 26, 28 व 29 ऑगस्ट 2025 पर्यंत अर्ज स्विकारले जातील , असे उप प्रादेशिक परिवहन अधिकारी कल्याण आशुतोष बारकुल यांनी कळविले   आहे. 00000

ठाणे , दि. 25( जिमाका):- कौशल्य विकास , रोजगार , उद्योजकता व नाविन्यता विभागामार्फत जागतिक कौशल्य स्पर्धा 2026 शांघाई येथे आयोजित करण्यात आली आहे. या स्पर्धेमध्ये सहभागी होण्यासाठी 50 क्षेत्रांकरिता उमेदवाराचा जन्म   दि. 1 जानेवारी , 2004 किंवा तद्नंतरचा असणे अनिवार्य आहे तसेच , Digital Construction, Cloud Computing, Cyber Security, ICT Network Infrastructure, Additive Manufacturing, Industrial Design Technology. Industry ८.० , Mechatronics, Optoelectronic Technology. Robot Systems Integration, Water Technology, Dental Prosthetics, Aircraft Maintenance या क्षेत्राकरिता उमेदवाराचा जन्म दि. 1 जानेवारी , 2001 किंवा तदनंतरचा असणे अनिवार्य आहे. तरी ठाणे जिल्ह्यातील या स्पर्धेकरिता इच्छुक असणाऱ्या पात्र उमेदवारांनी https://www.skillindiadigital.gov.in या लिंकवर भेट देवून दि. 30 सप्टेंबर 2025 पर्यंत जास्तीत जास्त नाव नोंदणी करावी , असे आवाहन जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त संध्या साळुंखे यांनी केले   आहे. 00000

ठाणे , दि. 25( जिमाका):- कौशल्य विकास , रोजगार , उद्योजकता व नाविन्यता विभागांतर्गत ठाणे जिल्ह्यातील युवक युवतींना इस्राईल होम बेस केअर गिव्हर वर्कर्स या क्षेत्रात रोजगाराची संधी उपलब्ध करून देण्यात येत आहे. इंग्रजी भाषेचे सामान्य ज्ञान असणाऱ्या व 25 ते 45 वर्षे वयोगटातील उमेदवार या योजनेमध्ये सहभागी होण्यास पात्र आहेत. उमेदवारांकडे काळजीवाहू (घरगुती सहाय्यक) सेवांसाठी निपूण / पारंगत , भारतातील नियामक प्राधिकरणाद्वारे मान्यताप्राप्त असलेले व किमान 990 तासांचा कोर्स पूर्ण केलेले प्रमाणपत्र (ऑन जॉब ट्रेनिंग सह) असणे आवश्यक आहे. भारतीय प्राधिकरणाद्वारे प्रदान केलेल्या या मिडवाइफरीमधील प्रशिक्षण , संबंधित भारतीय देखरेखीखाली अधिकाऱ्यांच्या किंवा नर्सिंग , फिजिओथेरपी , नर्स असिस्टंट मधील प्रशिक्षण पूर्ण , जीडीए/एएनएम/जीएनएम/बीएससी नर्सिंग / पोस्ट बीएससी नर्सिंगची शैक्षणिक पात्रता आवश्यक आहे. तरी ठाणे जिल्ह्यातील जास्तीत जास्त युवक-युवतींनी या योजनेचा लाभ घेण्यासाठी http://maharashtrainternational.com या अधिकृत संकेतस्थळावर आपली माहिती भरावी तसेच अधिक माहितीसाठी जिल्हा कौशल्य विकास , र...

ठाणे , दि. 25( जिमाका):- राज्य शासनाच्यावतीने या वर्षीपासून महाराष्ट्रातील गणेशोत्सव हा महाराष्ट्राचा राज्य उत्सव म्हणून साजरा करण्यात येत आहे. या राज्य उत्सवाअंतर्गत आयोजित करण्यात आलेल्या महाराष्ट्र राज्य उत्कृष्ट सार्वजनिक गणेशोत्सव मंडळ स्पर्धा 2025 च्या अर्ज सादर करण्याच्या अंतिम तारखेस मुदतवाढ देण्यात आल्याची घोषणा राज्याचे सांस्कृतिक कार्यमंत्री अॅड. आशिष शेलार यांनी केली. या स्पर्धेत अधिकाधिक मंडळांना सहभागी होता यावे , यासाठी आता अर्ज सादर करण्याची अंतिम तारीख मंगळवार दि. 26 ऑगस्ट 2025 असेल. या स्पर्धेचे अर्ज https://ganeshotsav.pldmka.co.in या संकेतस्थळावर उपलब्ध ऑनलाइन पोर्टलद्वारे स्वीकारले जाणार आहेत. या स्पर्धेत अधिकाधिक मंडळांनी सहभागी होऊन तालुकास्तरीय , जिल्हास्तरीय व राज्यस्तरीय पारितोषिके जिंकण्याचा लाभ घ्यावा , असे आवाहन राज्याचे सांस्कृतिक कार्यमंत्री अॅड. आशिष शेलार यांनी केले आहे. 00000

गणेशोत्सवापूर्वी रस्त्यांवरील खड्डे बुजवावेत  -वनमंत्री गणेश नाईक   जनता दरबारामध्ये 200 पेक्षा अधिक निवेदने प्राप्त   ठाणे,दि.22(जिमाका):-  गणेशोत्सवामध्ये भाविकांना कोणत्याही प्रकारचा त्रास होऊ नये, यासाठी रस्त्यावरील खड्डे त्वरित बुजवा, असे निर्देश राज्याचे वनमंत्री तथा पालघर जिल्ह्याचे पालकमंत्री नामदार गणेश नाईक यांनी प्रशासनाला दिले आहेत. मंत्री नाईक यांच्या अध्यक्षतेखाली आज ठाण्यातील राम गणेश गडकरी रंगायतनमध्ये जनता दरबार पार पडला. या जनता दरबारामध्ये नागरिकांनी विविध विषयांवरील 200 पेक्षा अधिक निवेदने सादर केली. यापैकी बहुतांश निवेदनांवर उपस्थित प्रशासकीय अधिकाऱ्यांना सूचना देत कार्यवाही करण्यात आली. उर्वरित निवेदनांवर समयबद्धरीत्या कार्यवाही करण्यात येणार आहे. ठाण्यातील आजचा तिसरा जनता दरबार होता. नागरी समस्या, प्रशासनाकडून झालेला अन्याय, विविध घटकांच्या प्रलंबित मागण्या, याविषयीची निवेदने नागरिकांनी सादर केली. माजी खासदार डॉक्टर संजीव नाईक, ठाणे भाजपाचे अध्यक्ष संदीप लेले, माजी अध्यक्ष संजय वाघुले, राष्ट्रवादी अजित दादा गटाचे आनंद परांजपे, ठाणे महापालिका, ज...

ठाणे,दि.22(जिमाका):-  महाराष्ट्र शासनाच्या ग्रामविकास विभागाकडील दि.12 जून 2025 रोजीच्या आदेशान्वये, राज्यातील 32 जिल्हा परिषदा व 336 पंचायत समित्या सार्वत्रिक निवडणूक - 2025-26 करिता प्रभाग रचनेचा कार्यक्रम घोषित केलेला आहे. या कार्यक्रमाच्या अनुषंगाने, ठाणे जिल्हा परिषद व त्याअंतर्गत शहापूर, मुरबाड, कल्याण, भिवंडी, अंबरनाथ या पाच पंचायत समितीचे आगामी सार्वत्रिक निवडणुकीसाठी अंतिम प्रभाग रचना जिल्हाधिकारी कार्यालय ठाणे / जिल्हा परिषद कार्यालय, ठाणे / तहसीलदार कार्यालय शहापूर, मुरबाड, कल्याण, भिवंडी, अंबरनाथ तसेच गट विकास अधिकारी, पंचायत समिती शहापूर, मुरबाड, कल्याण, भिवंडी, अंबरनाथ यांच्या कार्यालयाचे सूचना फलक तसेच जिल्ह्याच्या संकेतस्थळावर दि.22 ऑगस्ट 2025 रोजी प्रसिध्द करण्यात आलेली आहे. 00000

ठाणे,दि.22(जिमाका):-  महाराष्ट्र हे ऐतिहासिक, सांस्कृतिक, नैसर्गिक आणि धार्मिक पर्यटनासाठी देश-विदेशात प्रसिद्ध आहे. सह्याद्रीपासून कोकण किनारपट्टीपर्यंत, विदर्भाच्या वन्यजीवांपासून मराठवाड्याच्या वारशापर्यंत, राज्याची पर्यटन संपदा अत्यंत वैविध्यपूर्ण आहे. यामुळेच महाराष्ट्र पर्यटनाला जागतिक पातळीवर अधिक बळकटपणे सादर करण्याची संधी साधत महाराष्ट्र पर्यटन संचालनालय (डायरोक्टरेट ऑफ टुरिझम (DOT)) यांच्या पुढाकाराने महाराष्ट्रातील पर्यटनाचा व्यापक प्रचार आणि प्रसार करण्याच्या उद्देशाने येत्या शनिवार व रविवार दि.23 व 24 ऑगस्ट 2025 रोजी पुणे सेंट्रल हॉल, डेक्कन येथे पर्यटनाचा महाकुंभ 2025 या कार्यक्रमाचे आयोजन करण्यात आले असून "आपला जिल्हा, आपले पर्यटन" ही थिम आहे. मुख्य प्रायोजक महाराष्ट्र पर्यटन संचालनालय, प्रायोजक रॉयल गोल्डफील्ड कब रिसॉर्ट आणि संकल्पना व ट्रॅव्हल पार्टनर स्मिता हॉलिडेज यांच्या संयुक्त विद्यमानाने हा पर्यटनाचा महाकुंभ आयोजिला आहे. कार्यक्रमाचे ठिकाण सेंट्रल पार्क हॉटेल, जंगली महाराज रोड, डेक्कन पुणे असून वेळ सकाळी 10 ते रात्री 8 पर्यंत आहे. या कार्यक्रमामध्ये महा...

ठाणे,दि.22(जिमाका):-  महाराष्ट्र शासनाच्या उच्च व तंत्र शिक्षण विभागांतर्गत ग्रंथालय संचालनालयाकडून राज्यातील शासनमान्य सार्वजनिक ग्रंथालयांचा गुणात्मक विकास व्हावा, ग्रंथालयांकडून जनतेला अधिक चांगल्या ग्रंथालयीन सेवा उपलब्ध करुन द्याव्यात, वाचन संस्कृती वृध्दींगत करण्यासाठी प्रोत्साहन मिळावे या उद्देशाने ‘डॉ.बाबासाहेब आंबेडकर उत्कृष्ट ग्रंथालय पुरस्कार ’   तसेच ग्रंथालय चळवळीतील कार्यकर्ते व सेवक यांना भारतीय ग्रंथालय शास्त्राचे जनक डॉ.शियाली रामामृत रंगनाथन यांच्या नावाने ‘डॉ.एस. आर. रंगनाथन उत्कृष्ट ग्रंथालय कार्यकर्ता व सेवक (ग्रंथमित्र) पुरस्कार ’   देण्यात येतात. राज्यातील शहरी व ग्रामीण विभागातील ‘अ ’ , ‘ब ’ , ‘क ’ , ‘ड ’   वर्गातील उत्कृष्ट शासनमान्य सार्वजनिक ग्रंथालयांना अनुक्रमे रु.1 लाख, रु.75 हजार, रु.50 हजार, रु.25 हजार इ. रोख रक्कम, सन्मानचिन्ह, प्रमाणपत्र आणि ग्रंथभेट देऊन गौरविण्यात येते. राज्यातील एक राज्यस्तरीय उत्कृष्ट ग्रंथालय कार्यकर्ता व एक राज्यस्तरीय उत्कृष्ट ग्रंथालय सेवक यांना प्रत्येकी रु.50 हजार तसेच राज्यातील प्रत्येक महसुली विभागातील प्...

ओबीसी, व्हीजेएनटी, एसबीसी विद्यार्थ्यांना शैक्षणिक प्रगतीची संधी     ठाणे,दि.22(जिमाका):-  राज्यातील इतर मागास वर्ग (ओबीसी), विमुक्त जाती-भटक्या जमाती (व्हीजेएनटी) आणि विशेष मागास (एसबीसी) प्रवर्गातील पदवी प्राप्त केलेल्या विद्यार्थ्यांना स्पर्धात्मक युगात समान संधी प्राप्त व्हावी, याकरिता परीक्षेच्या पूर्व तयारीकरिता महाराष्ट्र शासनाच्या महात्मा ज्योतिबा फुले संशोधन व प्रशिक्षण संस्था (महाज्योती), नागपूर मार्फत ऑनलाईन प्रशिक्षण देण्यात येते.  2025-26 सत्रासाठी 'महाज्योती' यांच्यामार्फत राबविण्यात येणाऱ्या कर्मचारी निवड आयोग (एसएससी-सीजीएल), महाराष्ट्र अभियांत्रिकी सेवा (एमईएस), इन्स्टिट्यूशन ऑफ बँकिंग पर्सनल सिलेक्शनच्या (आयबीपीएस) प्रोबेशनरी ऑफिसर (पीओ) आणि भारतीय जीवन बीमा निगम (एलआयसी) तर्फे असिस्टंट अ‍ॅडमिनिस्ट्रेटिव्ह ऑफिसर (एएओ) या पदासाठी 28 जुलै 2025 पासून अर्ज प्रक्रिया सुरू करण्यात आली. इच्छुक विद्यार्थ्यांना  www.mahajyoti.org.in  या संकेतस्थळावर 20 ऑगस्ट 2025 पर्यंत अर्जाची शेवटचा दिनांक असताना राज्यभरातून विद्यार्थ्यांचा मोठ्या प्रमाणात प्रतिस...