जिल्हा माहिती कार्यालय, ठाणे

  ठाणे,दि.12(जिमाका) :- मच्छिमार, मत्स्यव्यवसायक आणि मच्छिमार सहकारी संस्थांच्या सर्वांगीण विकासासाठी महाराष्ट्र शासनाच्या मत्स्यव्यवसाय विभागामार्फत 'मुख्यमंत्री मत्स्यसंपदा योजना' राबविण्यात येत असून, या योजनेच्या प्रभावी अंमलबजावणीसाठी शासनाने महाडीबीटी 2.0 (MahaDBT 2.0) हे ऑनलाईन पोर्टल सुरू केले आहे. मत्स्यव्यवसाय व बंदरे मंत्री मा. श्री. नितेश राणे यांच्या हस्ते दिनांक 28 ऑक्टोबर 2026 रोजी या ऑनलाईन पोर्टलचे अनावरण करण्यात आले असून, त्यानंतर ही योजना राज्यात अंमलात आली आहे. ठाणे जिल्ह्यातील जास्तीत जास्त पात्र मच्छिमार बांधव, महिला बचत गट व संस्थांनी या सुवर्णसंधीचा लाभ घ्यावा, असे आवाहन सहायक आयुक्त मत्स्यव्यवसाय कार्यालयामार्फत करण्यात आले आहे. इच्छुक लाभार्थिंना https://mahadbt2.maharashtra.gov.in/scheme-apply या संकेतस्थळावर जाऊन योजनेत समाविष्ट विविध घटकांसाठी ऑनलाईन पद्धतीने अर्ज सादर करता येणार आहेत. ठाणे, पालघर आणि परिसरातील नागरिकांच्या सोयीसाठी आणि मार्गदर्शनासाठी प्रशासकीय इमारत, दुसरा मजला, वांद्रे (पूर्व), मुंबई येथे 'मुख्यमंत्री मत्स्यसंपदा योजना सह...

            दिवाळी हा आनंदाचा, मांगल्याचा आणि प्रकाशोत्सवाचा सण. घराघरांमध्ये दिव्यांची रोषणाई, फराळाचे गोड पदार्थ आणि आप्तस्वकीयांसोबतचा सहवास असे उत्साहाचे वातावरण असते. परंतु, जेव्हा निसर्गाच्या लहरीपणाने महाराष्ट्रातील बळीराजाच्या शेतीवर आणि संसारावर दुष्काळाची काळी छाया पसरवली असते, तेव्हा या सणाचा आनंद मळभटल्यासारखा होतो.                 अनियमित पाऊस, करपलेली पिके, पिण्याच्या पाण्यासाठी होणारी वणवण आणि डोळ्यांसमोर उभे ठाकलेले आर्थिक संकट... अशा ज्वलंत वास्तवातून आज ग्रामीण भागातील शेतकरी कुटुंब वाटचाल करत आहे.             अशा या भीषण आणि हतबल करणाऱ्या परिस्थितीत, राज्य शासनाने केवळ कागदी घोडे नाचवत किंवा शासकीय निर्णय आणि आर्थिक मदतीचे आकडे जाहीर करून आपली जबाबदारी झटकलेली नाही. तर, प्रशासकीय व्यवस्थेतील संवेदनशीलता जपत, राज्याचे नेतृत्व थेट बळीराजाच्या बांधावर आणि थेट त्याच्या घरात जावून पोहोचले.    ...

  ठाणे,दि.12(जिमाका) :- राज्य शासकिय निवृत्तीवेतनधारक व कुटुंब निवृत्तीवेतनधारक यांना निवृत्तीवेतन नियमीत सुरु राहण्यासाठी दरवर्षी नोव्हेंबर महिन्यात हयातीचा दाखला सादर करणे आवश्यक आहे. केंद्र शासनाच्या जीवन प्रमाण अॅप व पोर्टलच्या माध्यमातून निवृत्तीवेतनधारकांना बँक किंवा कोषागार कार्यालयात प्रत्यक्ष न जाता मोबाईलव्दारे डिजिटल जीवन प्रमाणपत्र सादर करता येतो. यासाठी भारत सरकारच्या पेन्शन आणि पेन्शनभोगी कल्याण विभागामार्फत 1 ते 30 नोव्हेंबर या कालावधीत देशभरातील 2 हजार शहरे व जिल्ह्यांमध्ये पाचवी डिजीटल मोहीम राबविण्यात येत आहे. या मोहिमेच्या पार्श्वभूमीवर केंद्र शासनाचे अवर सचिव दिपक गुप्ता यांनी दि.30 ऑक्टोबर 2026 रोजी जिल्हा कोषागार कार्यालय, ठाणे येथे भेट देऊन अभियानाचा आढावा घेतला. तसेच उपस्थित ठाणे कोषागारातील अधिकारी / कर्मचारी तसेच निवृत्तीवेतनधारकांना जीवन प्रमाण पोर्टलवर डिजिटल जीवन प्रमाणपत्र तयार करण्याचे प्रात्यक्षीक करुन दाखवले. तरी जास्तीत जास्त निवृत्तीवेतनधारक व कुटूंब निवृत्तीवेतनधारक यांनी जीवन प्रमाण पोर्टलचा वापर करुन डिजिटल स्वरुपात हयातीचा दाखला सादर करावा, ...

    ठाणे,दि.12(जिमाका) :-   धरती आबा क्रांतीसूर्य भगवान बिरसा मुंडा यांच्या जयंतीनिमित्त एकात्मिक आदिवासी विकास प्रकल्प, शहापूर यांच्या वतीने 11 ते 18 नोव्हेंबर 2026 या कालावधीत संपूर्ण प्रकल्प कार्यक्षेत्रात 'जनजातीय गौरव सप्ताह' उत्साहात साजरा केला जाणार आहे. या सप्ताहात विविध लोकोपयोगी उपक्रम, आरोग्य शिबिरे आणि शासकीय योजनांच्या लाभाचे आयोजन करण्यात आले असल्याची माहिती प्रकल्प अधिकारी तेजस्विनी गलांडे, सहायक प्रकल्प अधिकारी व नोडल अधिकारी अरविंद जाधव आणि आदिवासी सेवक पुरस्कार प्राप्त अशोक इरनक यांनी दिली आहे.      या गौरव सप्ताहानिमित्त 12 नोव्हेंबर रोजी भिवंडी तालुक्यातील रावत्याचा पाडा येथे जात दाखले आणि आधार कार्ड शिबिर घेतले जाईल. 13 नोव्हेंबर रोजी भिवंडी तालुक्यातील चिंबीपाडा येथे न्यूक्लियस बजेट योजना व महिला बचत गटांना धनादेश वाटप, घरकुल, आयुष्यमान कार्ड, आरोग्य शिबिर, नवीन अर्ज स्वीकारणे आणि स्वयंरोजगार व कृषीपूरक व्यवसायाबाबत मार्गदर्शन केले जाणार आहे.14 नोव्हेंबर रोजी शहापूर तालुक्यातील उंभ्रई किन्हवली येथे सर्व आदिवासी स्मारके व पुत...

        ठाणे,दि.9(जिमाका) : भगवान बिरसा मुंडा यांच्या जयंतीनिमित्त जनजातीय गौरव दिन सप्ताह साजरा करण्यासाठी एकात्मिक आदिवासी विकास प्रकल्प, शहापूर अंतर्गत दि. १२ नोव्हेंबर २०२६ ते दि. १८ नोव्हेंबर २०२६ या कालावधीत विविध ठिकाणी जनजागृतीपर कार्यक्रम, शासकीय योजनांची माहिती व लाभ वितरण शिबिरे, तसेच स्वच्छता व जनजागृतीचे उपक्रम आयोजित करण्याचे नियोजन करण्यात आले आहे. सदर सप्ताहादरम्यान अनुसूचित जमातीच्या लाभार्थ्यांना विविध शासकीय योजनांचा लाभ मिळवून देणे, आवश्यक दाखले व कागदपत्रे उपलब्ध करून देण्यासाठी मदत करणे आणि भगवान बिरसा मुंडा यांच्या कार्याचा व आदिवासी स्वातंत्र्यसैनिकांच्या योगदानाचा गौरव करणे, हा या कार्यक्रमाचा प्रमुख उद्देश आहे. या कालावधीत आरोग्य, पोषण, उपजीविका व इतर आवश्यक सेवांशी संबंधित विविध उपक्रम व शिबिरांचे आयोजन करण्यात आले आहे. सप्ताहाची दैनिक कार्यक्रम रूपरेषा खालीलप्रमाणे आहे: दिनांक 12 नोव्हेंबर 2026 : रावत्याचा पाडा (भिवंडी) सप्ताहाच्या पहिल्या दिवशी अनुदानित आश्रमशाळा रावत्याचा पाडा, तालुका भिवंडी येथे कार्यक्रमाची सुरुवात होई...

    ठाणे,दि.9(जिमाका) :- जिल्ह्यात आगामी काळात वेगवेगळ्या ठिकाणी आग लागण्याच्या घटना निदर्शनास आल्या असून, यामध्ये मोठ्या प्रमाणावर सार्वजनिक व खाजगी मालमत्तेचे नुकसान झाले आहे तसेच मानवी जीवितास धोका निर्माण झाला आहे. काही नागरिक हवेमध्ये उडणारे रॉकेट व तत्सम फटाके उडवत असून काही नागरिक रॉकेट थेट हातात धरून धोकादायक पद्धतीने उडवत असल्याचे निदर्शनास आले आहे. या प्रकारच्या कृत्यामुळे आगीच्या दुर्घटनेमध्ये वाढ होण्याची आणि कायदा व सुव्यवस्था तसेच सार्वजनिक सुरक्षेची गंभीर परिस्थिती निर्माण होण्याची शक्यता नाकारता येत नाही. आगीच्या वाढत्या दुर्घटना लक्षात घेता जिल्ह्यात तात्काळ आपत्कालीन उपाययोजना करणे, रॉकेट व तसम फटाक्यांवर कायदेशीर प्रतिबंध घालणे अत्यंत आवश्यक झाले आहे. या पार्श्वभूमीवर, रहिवासी भागात, दाट लोकवस्तीच्या ठिकाणी, इमारतीमधील रिफ्यूजी एरिया, वाहनतळ (पार्किंग) किंवा गच्ची (टेरेस) येथून मोठ्या प्रमाणावर रॉकेट, हवेत उडणारे फटाके व तसम फटाके उडविले जात असल्याचे तसेच अशा फटाक्यांमुळे इमारतींना आग लागण्याच्या घटना निदर्शनास येत आहेत. त्यामुळे नागरिकांच्या जीवित...