जिल्हा माहिती कार्यालय, ठाणे

  ठाणे,दि.16(जिमाका ) : इतर मागास बहुजन कल्याण विभागामार्फत संचालित मुलांचे शासकीय वसतिगृह, कल्याण, जि. ठाणे येथे शैक्षणिक वर्ष 2026-27 साठी 12 वी नंतर उच्चशिक्षण घेणाऱ्या विद्यार्थ्यांकडून ऑफलाईन पद्धतीने प्रवेश अर्ज मागविण्यात येत आहेत. इमाव, विजाभज आणि विमाप्र प्रवर्गातील विद्यार्थ्यांनां मोफत निवास, तसेच भोजन भत्ता, निर्वाह भत्ता असा आर्थिक लाभ देखील देण्यात येतो. ठाणे जिल्ह्यात शिक्षण घेणाऱ्या १०० विद्यार्थ्यांसाठी सर्व अत्याधुनिक सोयी सुविधा असून जास्तीत जास्त विद्यार्थ्यांनी याचा लाभ घेण्याचे आवाहन इतर मागास बहुजन कल्याण, ठाणे सहायक संचालक समाधान इंगळे यांनी केले आहे. अर्ज विहित नमुन्यात सादर करणे बंधनकारक असून, अधिक माहिती ठाणे येथील सहायक संचालक, इतर मागास बहुजन कल्याण, ठाणे डॉ. बाबासाहेब आंबेडकर, सामाजिक न्याय भवन, ४ था मजला दत्तवाडी, कळवा जि. ठाणे या कार्यालयात उपलब्ध आहे, असे इतर मागास बहुजन कल्याण, ठाणे सहायक संचालक समाधान इंगळे यांनी कळविले आहे. 0000000000

    ठाणे, दि. 16 (जिमाका) : भारत निवडणूक आयोगाच्या निर्देशानुसार मतदारयाद्यांचा 'विशेष सखोल पुनरीक्षण कार्यक्रम २०२६' घोषित करण्यात आला आहे. या मोहिमेदरम्यान जिल्ह्यातील मतदारांना नाव नोंदणी, दुरुस्ती व इतर तांत्रिक बाबींमध्ये सुलभता आणि मार्गदर्शन व्हावे, यासाठी जिल्हाधिकारी कार्यालय, ठाणे तसेच जिल्ह्यातील सर्व १९ विधानसभा मतदारसंघांनिहाय विशेष मदत कक्ष (Help Desk) स्थापन करण्यात आले आहेत.                  या संदर्भातील सर्व अधिकृत संपर्क क्रमांक आणि वेळापत्रक निवडणूक शाखेकडून जाहीर करण्यात आल्याची माहिती उपजिल्हा निवडणूक अधिकारी वैशाली माने यांनी दिली आहे.             घोषित करण्यात आलेल्या वेळापत्रकानुसार, या विशेष सखोल पुनरीक्षणासाठी १ ऑक्टोबर २०२६ हा अर्हता दिनांक निश्चित करण्यात आला आहे. या अंतर्गत ३० जून २०२६ ते २९ जुलै २०२६ या कालावधीत मतदान केंद्रस्तरीय अधिकाऱ्यांमार्फत (BLO) घरोघरी जाऊन पडताळणी व भेटी दिल्या जाणार आहेत. त्यानंतर २९ जुलै २०२६...

    ठाणे, दि.16(जिमाका) : भारत सरकारच्या युवा कार्य व क्रीडा मंत्रालयाच्या 'MY Bharat' (मेरा युवा भारत) या महत्त्वाकांक्षी उपक्रमाच्या ठाणे जिल्ह्यात प्रभावी अंमलबजावणीसाठी जिल्हा सल्लागार समितीची (DAC) महत्त्वपूर्ण सर्वसाधारण सभा नुकतीच संपन्न झाली. जिल्हाधिकाऱ्यांच्या अध्यक्षतेखाली आयोजित करण्यात आलेल्या या बैठकीमध्ये जिल्ह्यातील युवक नोंदणी वाढवणे, विविध स्वयंसेवा उपक्रम राबवणे आणि वर्ष २०२६-२७ या कालावधीसाठीच्या सर्वसमावेशक कृती आराखड्यावर सविस्तर व सखोल चर्चा करण्यात आली. या महत्त्वपूर्ण बैठकीला ठाणे जिल्हा परिषद उपशिक्षणाधिकारी संदीप जिजाबाई लालजी पाटील, ठाणे जिल्हा क्रीडा अधिकारी सुवर्णा बारटक्के, प्रकल्प संचालक कार्यालयातील प्रतिनिधी बाचोटीकर मुनिर, एनसीसीचे नोडल ऑफिसर कॅप्टन बिपीन एस. धुमाल, कौशल्य विकास रोजगार व उद्योजकता मार्गदर्शन अधिकारी रविंद्र स. मोरे, रेडक्रॉसचे प्रतिनिधी आर. ए. कडवे, ठाणे असिस्टंट स्किल डेव्हलपमेंट ऑफिसचे माहिदीपसिंग चौहान, स्काऊट अँड गाईड ठाणे येथील हेमांगी सुनील पाटील, ठाणे लीड बँकेचे लीड डिस्ट्रिक्ट मॅनेजर अभिषेक पवार तसेच ठाणे एन.एस...

    ठाणे,दि.8(जिमाका) :-   एकात्मिक आदिवासी विकास प्रकल्प, शहापूर (ता. शहापूर, जि. ठाणे) यांच्या अंतर्गत कार्यरत असलेल्या एकूण 12 शासकीय आदिवासी वसतीगृहांमध्ये शैक्षणिक वर्ष 2026-27 या वर्षासाठीचे प्रवेश ऑनलाइन पद्धतीने सुरू झाले आहेत. यामध्ये 9 मुलांची व 3 मुलींची शासकीय वसतीगृहे समाविष्ट असून, पात्र आदिवासी विद्यार्थ्यांनी आपले अर्ज विहित मुदतीत ऑनलाइन भरावेत, असे जाहीर आवाहन प्रकल्प कार्यालयाद्वारे करण्यात आले आहे.                  राज्यातील विभागीय, जिल्हा, तालुका व ग्रामीण स्तरावर अनुसूचित जमातीच्या (ST) विद्यार्थ्यांना उच्च शिक्षण घेता यावे, या उद्देशाने आदिवासी विकास विभागाद्वारे शासकीय वसतीगृह योजना राबविली जाते. तसेच, विभागीय व जिल्हा स्तरावर इयत्ता 12 वी नंतर पुढे उच्च शिक्षण घेण्यासाठी शासकीय वसतीगृहात प्रवेश न मिळालेल्या पात्र अनुसूचित जमातीच्या विद्यार्थ्यांसाठी 'पंडित दीनदयाल उपाध्याय स्वयम् योजना' (सन 2016-17 पासून) लागू करण्यात आली आहे.      ...

  ठाणे,दि.8(जिमाका) :- मौलाना अब्दुल कलाम आझाद स्टेडियम, कौसा, मुंब्रा, ठाणे येथे दि.२२ जुलै ते ०८ ऑग.२०२६ या कालावधीत मुंबई शहर, मुंबई उपनगर, ठाणे, पालघर, रायगड, नाशिक, नंदुरबार व धुळे जिल्ह्यांतील नवयुवकांकरीता   सैन्य भरती प्रक्रिया राबविण्यात येणार आहे.   या भरती मेळाव्यासाठी   विविध प्रकारच्या तंबू, इलेक्ट्रीक उपकरणे व विविध प्रकारचे फर्निचर इत्यादी साहित्याची आवश्यकता असल्याने ते उपलब्ध करुन देणाऱ्या कंत्राटदारांकडून निविदा मागविण्यात येत आहेत.   तसेच इच्छूक कंत्राटदारांकडून या कार्यालयास निविदा प्राप्त होण्याची   अंतिम दि.१८ जुलै २०२६ आहे. याबाबत इच्छुक कंत्राटदारांनी जिल्हा सैनिक कल्याण कार्यालय, ठाणे (दूरध्वनी क्र.०२२-४५६४१५९३/ ९९२००१६५८०) यांच्याशी संपर्क साधावा, असे आवाहन जिल्हा सैनिक कल्याण कार्यालय, ठाणे/पालघर मेजर प्रांजल जाधव (निवृत्त) यांनी केले आहे.   000000000

    ठाणे,दि.8(जिमाका) :- शामराव पेजे कोकण इतर मागासवर्ग आर्थिक विकास महामंडळ व महामंडळाच्या इतर तेरा उपकंपन्या मार्फत लघुउद्योग व व्यवसायाकरीता इतर मागासप्रवर्गातील गरजू व होतकरु व्यक्तींना कर्ज पुरवठा केला जातो. त्या अनुषंगाने सन 2026-27 या वित्तीय वर्षाकरीता विविध योजनांचे ठाणे जिल्ह्याकरीता भौतिक व आर्थिक उद्दिष्ट प्राप्त झाले आहे. या ऑनलाईन योजनांमध्ये 20% बीज भांडवल योजना व 1.00 लक्ष पर्यंत थेट कर्ज योजना, वैयक्तिक कर्ज व्याज परतावा, गट कर्ज व्याज परतावा, शैक्षणिक कर्ज व्याज परतावा व महिला स्वयंसिध्दी कर्ज व्याज परतावा योजना इत्यादी योजनांचा समावेश आहे. रु.1.00 लक्ष थेट कर्ज योजनेकरिता अर्जदाराचा सिबिल क्रेडीट स्कोर हा किमान 500असणे बंधनकारक आहे. सर्व ऑनलाईन योजनांसाठी सर्वप्रथम महामंडळांच्या www.msobcfdc.org   या वेबसाईटवर जाऊन स्वतःची नोंदणी करुन घ्यावी. अर्जदाराने स्वतःच्या जातप्रमाणपत्रातील नमूद जातीनुसार लागू असलेल्या महामंडळाच्या उपकंपनीमध्ये जाऊन आवश्यक ती योजना निवडावी. तद्नंतर अर्जदाराने महामंडळाच्या नियमानुसार आवश्यक असलेल्या मुळ कागदपत्रांच्या PDF सुस...