जिल्हा माहिती कार्यालय, ठाणे

कर्तव्यदक्ष , शिस्तबद्ध आणि वक्तशीर नेतृत्व गमावले -जिल्हाधिकारी डॉ.श्रीकृष्ण पांचाळ   ठाणे , दि.30(जिमाका):- राज्याचे दिवंगत उपमुख्यमंत्री अजित पवार यांच्या निधनाबद्दल जिल्हाधिकारी कार्यालय आणि महाराष्ट्र राज्य राजपत्रित अधिकारी महासंघाच्या ठाणे जिल्हा समन्वय समिती यांच्या संयुक्त विद्यमाने येथील अधिकारी-कर्मचाऱ्यांच्या वतीने जिल्हाधिकारी कार्यालयाच्या समिती सभागृहात आयोजित शोकसभेत त्यांना श्रद्धांजली वाहण्यात आली. उपमुख्यमंत्री अजित पवार यांनी आपल्या सेवाकाळात नेहमी प्रामाणिकपणे , निष्ठेने आणि कर्तव्यभावनेने शासकीय कर्तव्य पार पाडले. त्यांच्या निधनाने राज्य शासनाने एक कर्तव्यदक्ष , शिस्तबद्ध आणि वक्तशीर नेतृत्व गमावले आहे , अशी भावना जिल्हाधिकारी डॉ. श्रीकृष्ण पांचाळ यांनी उपस्थितांच्या वतीने यावेळी व्यक्त केली. याप्रसंगी अपर जिल्हाधिकारी हरिश्चंद्र पाटील , निवासी उपजिल्हाधिकारीप डॉ.संदिप माने , उपजिल्हा निवडणूक अधिकारी वैशाली माने , उपजिल्हाधिकारी (रोहयो) शशिकांत गायकवाड , उपजिल्हाधिकारी (पुनर्वसन) सर्जेराव म्हस्के-पाटील , प्रांताधिकारी उर्मिला पाटील , जिल्हा नियोजन अध...

  ठाणे,दि.26(जिमाका) :- 77 व्या भारतीय प्रजासत्ताक दिनानिमित्त ठाणे जिल्हाधिकारी कार्यालयाच्या आवारात जिल्हाधिकारी डॉ. श्रीकृष्ण पांचाळ यांच्या हस्ते आज ध्वजारोहण संपन्न झाले. यावेळी अपर जिल्हाधिकारी हरिश्चंद्र पाटील, निवासी उपजिल्हाधिकारी डॉ.संदीप माने, उपजिल्हाधिकारी सर्जेराव मस्केपाटील, शशिकांत गायकवाड, उप जिल्हाधिकारी (सा.प्र.) रुपाली भालके,   उपजिल्हा निवडणूक अधिकारी वैशाली माने, ठाणे प्रांताधिकारी उर्मिला पाटील, जिल्हा नियोजन अधिकारी वैभव कुलकर्णी, जिल्हा अधीक्षक भूमी अभिलेख नितिन पाटील, जिल्हा हिवताप अधिकारी संतोषी शिंदे, तहसिलदार सचिन चौधर, संदीप थोरात, रेवण लेंभे,   उमेश पाटील, नायब तहसिलदार दिनेश पैठणकर,   सहाय्यक अभियंता कल्याणी पाटील, जिल्हाधिकारी कार्यालयातील इतर अधिकारी-कर्मचारी, नागरिक मोठ्या संख्येने उपस्थित होते. यावेळी जिल्हाधिकारी डॉ. श्रीकृष्ण पांचाळ यांनी उपस्थित अधिकारी आणि कर्मचाऱ्यांसह बालविवाह न करण्याची प्रतिज्ञा घेतली. जिल्हाधिकारी डॉ. पांचाळ यांनी यावेळी उपस्थितांना प्रजासत्ताक दिनाच्या शुभेच्छा दिल्या. 0000000000  

                                           ठाणे,दि.26(जिमाका) :- “ आपल्या लोकशाहीचा हा उत्सव आहे. संविधानाने दिलेल्या न्याय, अधिकार व स्वातंत्र्याची जाणीव ठेवून प्रजेला केंद्रस्थानी ठेवणे हेच खरे प्रजासत्ताक. ” मराठी अस्मितेचा गौरव बाळासाहेब ठाकरे यांच्या जन्मशताब्दी वर्षानिमित्त सामाजिक, शैक्षणिक व वैद्यकीय उपक्रमांना गती देणार असे प्रतिपादन उपमुख्यमंत्री तथा ठाणे जिल्ह्याचे पालकमंत्री एकनाथ शिंदे यांनी आज येथे केले. 77 वा भारतीय प्रजासत्ताक दिनाच्या पोलीस क्रीडा संकुल, साकेत मैदान, ठाणे येथील मुख्य शासकीय सोहळ्याप्रसंगी उपमुख्यमंत्री तथा ठाणे जिल्ह्याचे पालकमंत्री एकनाथ शिंदे यांच्या हस्ते ध्वजारोहण संपन्न झाले, त्यावेळी ते बोलत होते. यावेळी जिल्ह्यातील स्वातंत्र्यसैनिक, माजी सैनिक, आमदार संजय केळकर, रविंद्र फाटक, जिल्हाधिकारी डॉ. श्रीकृष्ण पांचाळ, ठाणे शहर पोलीस आयुक्त आशुतोष डुंबरे, ठाणे महानगरपालिका आयुक्त सौरभ राव, जिल्हा परिषद मुख्य कार्यकारी अधिकारी रणजीत यादव, पो...

  ठाणे, दि. 22 (जिमाका) : हिंद-की-चादर श्री गुरु तेग बहादुर साहिब जी यांच्या 350 व्या शहिदी समागम वर्षानिमित्त दि.24 व 25 जानेवारी   रोजी नांदेड येथे होणाऱ्या ऐतिहासिक शहिदी समागम कार्यक्रमास जिल्ह्यातील सीख, सिकलकर, बंजारा, लबाना, सिंधीव मोहियाल व इतर सर्व समाजबांधवाना उपस्थित राहण्याबाबत जिल्हा प्रशासनाच्या वतीने आवाहन करण्यात आले आहे.             सर्वानी मोठ्या संख्येने या कार्यक्रमास उपस्थित रहावे. हिंद-की-चादर श्री गुरु तेग बहादुर साहिब जी यांच्या 350 व्या शहीदी समागम वर्षानिमित्त राज्यातील नांदेड, नागपूर व नवी मुंबई जि. ठाणे येथे राज्य शासनाच्या अल्पसंख्याक विकास विभाग व हिंद-की- चादर श्री गुरू तेग बहादुर साहिब जी 350 वी शहीदी समागम राज्यस्तरीय समिती, शीख, सिखलकर, बंजारा, लबाना, सिंधी व मोहियाल व इतर सर्व समाज यांच्या संयुक्त विद्यमाने या कार्यक्रमाचे नांदेड येथे दि.24   व 25 जानेवारी 2026 रोजी कार्यक्रमाचे आयोजन करण्यात येणार आहे. या ऐतिहासिक शहिदी समागम कार्यक्रमास जिल्ह्यातील सीख, सिकलकर, बंजारा, लबाना, सिंध...

    ठाणे,दि.22(जिमाका) :- भारताच्या 77 व्या प्रजासत्ताक दिनानिमित्त ठाणे जिल्ह्यातील मुख्य शासकीय ध्वजारोहण समारंभ सोमवार, दि.26 जानेवारी 2026 रोजी राज्याचे उपमुख्यमंत्री आणि ठाणे जिल्ह्याचे पालकमंत्री                       श्री. एकनाथ शिंदे यांच्या हस्ते साकेत पोलीस मैदान येथे सकाळी 9.15 वा.संपन्न होणार आहे.     ध्वजारोहणाच्या वेळी राष्ट्रीय/समारंभीय पोषाख परिधान करण्यात यावा. ध्वजारोहणाच्या मुख्य शासकीय समारंभात निमंत्रितांना सहभागी होता यावे यासाठी या दिवशी सकाळी 8-30 ते 10 वाजेदरम्यान ध्वजारोहणाचा किंवा इतर कोणताही शासकीय किंवा अशासकीय समारंभ आयोजित करण्यात येऊ नये. एखाद्या कार्यालयास अथवा संस्थेला आपला स्वतःचा ध्वजारोहणाचा समारंभ करावयाचा असल्यास त्यांनी तो समारंभ सकाळी 8-30 पूर्वी किंवा सकाळी 10 वाजेनंतर करावा.     ध्वजसंहितेतील सर्व नियमांचे व सूचनांची काटेकोरपणे अंमलबजावणी करावी. कागदी राष्ट्रध्वजाचा वापर ध्वजसंहितेच्या तरतूदीमध्ये नमूद केल्यानुसारच करावा. खराब झालेले माती लागल...

  ठाणे,दि.20 (जिमाका) :- ठाणे जिल्ह्यातील प्रशासकीय यंत्रणांसाठी जिल्हा नियोजन समितीमार्फत आज iPAS – Integrated Planning Office Automation System हाताळण्याचे प्रशिक्षण देण्यात आले. जिल्हा नियोजन अधिकारी वैभव कुलकर्णी यांच्या मार्गदर्शनाखाली जिल्हा नियोजन भवनाच्या पहिल्या मजल्यावरील समिती सभागृहात हा प्रशिक्षण पार पडले.             राज्य शासनाने जिल्हा नियोजन समित्यांमार्फत राबविण्यात येणाऱ्या विविध योजनांच्या अंमलबजावणीसाठी विकसित केलेल्या iPAS प्रणालीचा 100 टक्के वापर सर्व जिल्हा नियोजन समिती कार्यालयांसह सर्व प्रशासकीय कार्यालयांना अनिवार्य केला आहे.             जिल्हा नियोजन मंडळाच्या (District Planning Committee - DPC)कामकाजात अधिक पारदर्शकता, कार्यक्षमता आणि गती निर्माण करण्यासाठी ही प्रणाली महत्त्वाची ठरणार आहे. ‘कागदाचा कमीत कमी वापर’ या राज्य शासनाच्या धोरणानुसार राज्यातील सर्व 36 जिल्हा नियोजन समित्या iPAS च्या माध्यमातून पूर्णपणे कागदविरहित (Paperless) प्रक्रियेकडे वळ...

    ठाणे,दि.19(जिमाका) :- शासन निर्णय दि.23 ऑगस्ट, 2013 अन्वये शासनाच्या वतीने महाराष्ट्र राज्य परीक्षा परिषद, पुणे या कार्यालयामार्फत महाराष्ट्र शिक्षक पात्रता परीक्षा (TET) परीक्षेचे आयोजन रविवार दि.23 नोव्हेंबर 2025 रोजी करण्यात आले होते. महाराष्ट्र शिक्षक पात्रता परीक्षा (MAHATET) 2025 पेपर क्र.1 व पेपर क्र.2 ची अंतिम उत्तरसूची महाराष्ट्र राज्य परीक्षा परिषदेच्या http://mahatet.in या अधिकृत संकेतस्थळावर दि.12 जानेवारी 2026 रोजी प्रसिध्द करण्यात आली होती. तरी पेपर क्र.1 व पेपर क्र.2 साठी प्रविष्ठ झालेल्या उमेदवार परीक्षार्थ्यांचा अंतरिम निकाल दि.16 जानेवारी 2026 रोजी http://mahatet.in या संकेतस्थळावर उमेदवार/परीक्षार्थ्यांच्या लॉगिनमध्ये ऑनलाईन पद्धतीने सायंकाळी 6.00 वाजल्यापासून पाहता येईल. अंतरिम निकालाच्या अनुषंगाने गुणपडताळणी करावयाची असल्यास अथवा त्रुटी/आक्षेप असल्यास http://mahatet.in या संकेतस्थळावर दि.16 जानेवारी 2026 ते दि.21 जानेवारी 2026 रोजी सांयकाळी 6.00 वाजे पर्यंत उमेदवार/परीक्षार्थींना लॉगीन मधून ऑनलाईन पद्धतीने आक्षेप नोंदविता येईल. अन्य मार्गाने...

  ठाणे,दि.19(जिमाका):- जनगणना 2027  Houselisting Block Formation (घर यादी तयार करणे) बाबत महत्वाचे प्रशिक्षण आज दि.19 जानेवारी रोजी समिती सभागृह, पाचवा मजला, जिल्हाधिकारी कार्यालय येथे आयोजित करण्यात आले होते. यावेळी जनगणना संचालनालयाचे अधिकारी श्री. प्रवीण भगत, सहाय्यक निर्देशक व श्री.साळगांवकर यांनी ठाणे जिल्ह्यातील सर्व चार्ज अधिकारी तसेच त्यांच्या अधिनस्त जनगणना विषयक कामकाज हाताळणारे संबंधित अधिकारी / कर्मचाऱ्यांना Houselisting Block Formation (घर यादी तयार करणे) बाबत प्रशिक्षण दिले. या प्रशिक्षणासाठी स्वतः जिल्हाधिकारी डॉ.श्रीकृष्ण पांचाळ, निवासी उपजिल्हाधिकारी डॉ.संदिप माने, तहसिलदार (सर्वसाधारण) श्री.सचिन चौधर, भिवंडी तहसिलदार श्री.अभिजित खोले, मुरबाड तहसिलदार श्री.अभिजित देशमुख, शहापूर तहसिलदार श्री.परमेश्वर कासुळे, अंबरनाथ तहसिलदार श्री.अमित पुरी यांच्यासह इतर संबंधित अधिकारी / कर्मचारी उपस्थित होते. 00000000

  नमस्कार..! पु.ल. देशपांडे एका ठिकाणी म्हणतात, "माणसं जोडणं हाच खरा धर्म आणि ती टिकवणं हीच खरी संस्कृती." आपण जेव्हा 'हिंद दी चादर' म्हणतो, तेव्हा ती केवळ एक कापडाची उपमा नसते, तर ती कोट्यवधी हृदयांच्या स्पंदनांनी विणलेली एक संरक्षक कवच असते. कडाक्याच्या थंडीत जशी एखादी मायेची शाल आपल्याला ऊब देते, तशीच ही भारतीय संस्कृती विविधतेच्या वादळात आपल्याला आजही एकत्र धरून आहे.     ​         माझे मित्र ठाणे जिल्हा माहिती अधिकारी मनोज सुमन शिवाजी सानप साहेब यांच्याशी चर्चा करताना एक विषय निघाला, ते म्हणाले, "कट्टी सर, आपली संस्कृती म्हणजे केवळ सण-उत्सव नाहीत, तर ते जगण्याचं एक शास्त्र आहे. जेव्हा आपण वेशभूषा, खाद्यपदार्थ किंवा व्यापार बघतो, तेव्हा त्यात आपल्याला एकमेकांबद्दलची आदरभावना दिसते." हीच भावना घेऊन आपण या चादरीचे विविध पदर उलगडणार आहोत. 1. वेशभूषा: अस्मितेचे रंग.. ​             आपल्या वेशभूषेवरून आपली ओळख ठरते, पण भारतीय वेशभूषा ही 'अनेकता में एकता'चे उत्तम उदाहरण आहे....

    ठाणे, दि.14(जिमाका) :- सरस्वती विद्यालय वासिंद येथे 'भारत सरकार : युवा कार्य व क्रीडा मंत्रालयाच्या मेरा युवा भारत केंद्र, ठाणे' तर्फे स्वामी विवेकानंद संस्था, पाली सरस्वती विद्यालय, वासिंद यांच्या विद्यमाने राष्ट्रीय युवा दिन, राजमाता जिजाऊ जयंती, स्वामी विवेकानंद संस्था पाली या संस्थेचा 29 वा वर्धापन दिन सोहळा जिल्हा युवा अधिकारी मनीषा शर्मा यांच्या अध्यक्षतेखाली सोमवार दिनांक 12 जानेवारी, 2026 रोजी मोठ्या आनंद उत्सवात संपन्न झाला... यावेळी भारत सरकार, संसदीय कार्यमंत्रालय राजभाषा समितीचे सदस्य तथा सुप्रसिद्ध साहित्यिक प्रवीण देशमुख, वासिंद पोलीस स्टेशनचे पोलीस निरीक्षक सचिन हुंदळेकर, शहापूर पंचायत समितीचे गट शिक्षणाधिकारी हिराजी वेखंडे, वारकरी तत्त्वज्ञान विद्यापीठाचे संस्थापक अध्यक्ष हभप डॉ.कैलास महाराज निचिते, विद्या विकास मंडळाचे अध्यक्ष विठ्ठल सातवी व सचिव रविंद्र शेलार, सरस्वती विद्यालयाचे मुख्याध्यापक वासुदेव भोईर, मानव विकास सेवा फाउंडेशनचे संघटक व्ही. एस. पाटील, स्वामी विवेकानंद संस्था पाली या संस्थेचे संस्थापक अध्यक्ष तथा शिक्षणतज्ञ व प्रज्ञावंत साहित्यिक...

    ठाणे, दि.14(जिमाका) :- ठाणे जिल्ह्यातील महानगरपालिका सार्वत्रिक निवडणूक 2025-26 अंतर्गत गुरुवार, दि.15 जानेवारी 2026 रोजी होणाऱ्या मतदानाच्या दिवशी ठाणे जिल्ह्यातील महानगरपालिका कार्यक्षेत्रात सार्वजनिक सुट्टी जाहीर करण्यात आली आहे.             मतदारांना कोणत्याही अडचणीशिवाय आपला मतदानाचा हक्क बजावता यावा, तसेच मतदानाचा टक्का वाढावा, या उद्देशाने राज्य शासनाच्या निर्देशानुसार ही सुट्टी जाहीर करण्यात आली आहे. या दिवशी शासकीय कार्यालये, निमशासकीय कार्यालये, सार्वजनिक उपक्रम,   बँका इ.ना सार्वजनिक सुट्टी लागू राहील, असे   निवडणूक प्रशासनाने स्पष्ट केले आहे.             नागरिकांनी या सुट्टीचा लाभ घेत प्रत्येक पात्र मतदाराने 15 जानेवारी 2026 रोजी आपल्या नजीकच्या मतदान केंद्रावर जावून निर्भयपणे मतदान करावे आणि राष्ट्रीय कर्तव्य म्हणून लोकशाही प्रक्रियेत सक्रिय सहभाग नोंदवावा, असे आवाहन प्रशासनाकडून करण्यात आले आहे. 000000000000

    ठाणे, दि.09(जिमाका) : जिल्हा न्यायालय, तालुका न्यायालयांमध्ये दि. 14 मार्च, 2026 रोजी होणाऱ्या राष्ट्रीय लोकअदालतीमध्ये दाखल पूर्व ही प्रकरणे ठेवता येतील. धनादेश अनादर प्रकरणे, बँकेचे कर्ज वसूली प्रकरणे, कामगारांचे वाद, कर वसुलीचे प्रकरणे, विद्युत आणि पाणी देयक बद्दलची प्रकरणे आणि इतर आपसात तडजोड पात्र प्रकरणे, वैवाहिक व इतर दिवाणी वाद, न्यायालयातील प्रलंबित प्रकरणे ठेवता येतील. आपआपसात तडजोड करण्याजोगे फौजदारी प्रकरणे, मोटार अपघात नुकसान भरपाई प्रकरणे, वैवाहिक वाद, कामगारांचे वाद, भूसंपादन प्रकरणे, विद्युत आणि पाणी देयक बद्दलचे प्रकरणे, सेवा विषयक पगार, भत्ते व सेवा निवृत्तीचे फायदे-विषयक प्रकरणे, महसूल प्रकरणे, इतर दिवाणी प्रकरणे जसे भाडे, वहिवाटीचे हक्क, मनाई हुकमाचे दावे, विशिष्ट पूर्व बंध कराराची पूर्तता विषयक वाद आदी न्यायालयात प्रलंबित प्रकरणे लोकअदालतीमध्ये ठेवता येतील. मा. प्रमुख जिल्हा व सत्र न्यायाधीश श्री. श्रीनिवास ब्रि. अग्रवाल यांच्या अध्यक्षतेखाली शनिवार, दि. 14 मार्च, 2026 रोजी 'राष्ट्रीय लोकअदालत' चे आयोजन करण्यात आले आहे. न्यायालयांमध्ये प्रलंब...