राजर्षी शाहू महाराज शिष्यवृत्तीसाठी अर्ज करावेत

ठाणे दि. 26- राजर्षी शाहू महाराज शिष्यवृत्ती योजनेअंतर्गत अनुसूचित जातींच्या मुला-मुलींना परदेशात शिक्षणासाठी शिष्यवृत्ती दिली जाते. सन 2019-20 मध्ये परदेशात उच्च शिक्षणासाठी प्रवेश मिळालेल्या महाराष्ट्रातील अनुसूचित जाती, नवबौद्ध प्रवर्गातील विद्यार्थ्यांना मिळावयाच्या परदेश शिष्यवृत्ती निवडीसाठी सामाजिक न्याय व विशेष सहाय्य विभागाकडून अर्ज मागविण्यात येत आहेत.

ठाणे जिल्ह्यातील सर्व अनुसूचित जातीच्या परदेशात शिक्षणासाठी प्रवेश मिळालेल्या विद्यार्थ्यांनी महाराष्ट्र शासनाच्या सामाजिक न्याय व विशेष सहाय्य विभागाकडे अर्ज करावेत. अधिक माहितीसाठी www.maharashtra.gov.in किंवा http://sjsa.maharashtra.gov.in या संकेत स्थळावर भेट द्यावी अथवा सहाय्यक आयुक्त, समाज कल्याण, पाचवा मजला, जिल्हाधिकारी कार्यालय इमारत, कोर्ट नाका, ठाणे येथे संपर्क करावा, असे आवाहन सहायक आयुक्त, समाज कल्याण, ठाणे यांनी केले आहे.

00000000