इयत्ता बारावीच्या परीक्षा गुणपत्रिकेसाठी विकल्प सादर करण्यासाठी 15 डिसेंबरपर्यंत मुदतवाढ

ठाणे दि.18 (जिमाका) : महाराष्ट्र राज्य माध्यमिक व उच्च माध्यमिक शिक्षण मंडळाशी संलग्न असलेल्या सर्व उच्च माध्यमिक शाळा, कनिष्ठ महाविद्यालयांचे मुख्याध्यापक, प्राचार्य, शिक्षक, विद्यार्थी व पालक फेब्रुवारी-मार्च २०२० व नोव्हेंबर-डिसेंबर २०२० परीक्षेस श्रेणीसुधार योजनेतंर्गत प्रविष्ठ झालेल्या व विकल्प सादर करू न शकलेल्या विद्यार्थ्यांसाठी दि. १५ डिसेंबर, २०२१ पर्यंत मुदतवाढ देण्यात येत आहे, अशी माहिती राज्य मंडळांचे सहायक सचिव पोपटराव महाजन यांनी कळविली आहे.

कोविडमुळे उद्भवलेली परिस्थिती व विद्यार्थी हित पाहता, विशेष बाब म्हणून विकल्प सादर करण्यास मुदत वाढ देण्यात येत आहे.फेब्रुवारी-मार्च २०२० व नोव्हेंबर-डिसेंबर २०२० परीक्षेस श्रेणीसुधार योजनेतंर्गत प्रविष्ठ झालेले विद्यार्थी, शिक्षक, मुख्याध्यापक, प्राचार्य, सर्व उच्च माध्यमिक शाळा/कनिष्ठ महाविद्यालय यांनी आपल्या कनिष्ठ महाविद्यालयांशी व विभागीय मंडळांशी संपर्क साधून योग्य ती कार्यवाही करावी, असे आवाहन श्री. महाजन यांनी केले  आहे.

000000