ठाणे येथे 35 व्या महाराष्ट्र राज्य पोलीस क्रीडा स्पर्धा, 2025 चे दि.22 फेब्रुवारी ते दि.1 मार्च 2025 या कालावधीत आयोजन


ठाणे,दि.25(जिमाका):- ठाणे पोलीस आयुक्तालय अंतर्गत 35 व्या महाराष्ट्र राज्य पोलीस क्रीडा स्पर्धा 2025 चे आयोजन दि.22 फेब्रुवारी ते दि.1 मार्च 2025 या कालावधीत करण्यात आले आहे.

या स्पर्धेमध्ये अॅथलेटिक्स, फुटबॉल, व्हॉलीबॉल, हॅण्डबॉल, बास्केटबॉल, खो-खो, कबड्डी, तायक्वांदो, दु-शु, ज्युदो, कुस्ती, बॉक्सींग, हॉकी, वेटलिफ्टींग, पॉवरलिफ्टींग, बॉडीबिल्डिंग, क्रॉसकंट्री व जलतरण अशा 18 क्रीडा प्रकारांचा समावेश आहे. या स्पर्धेमध्ये संपूर्ण महाराष्ट्र पोलीस विभागातील एकुण 13 संघ सहभागी झाले असून त्यात 2 हजार 323 पुरुष व 606 महिला खेळाडू असे एकूण 2 हजार 929 खेळाडूंनी भाग घेतला आहे. स्पर्धेसाठी आलेल्या सर्व खेळाडूंची राहण्याची व जेवणाची व्यवस्था एम.एम.आर.डी.ए. क्वॉटर्स, भाईंदरपाडा येथे करण्यात आली असून त्यांना स्पर्धेच्या ठिकाणी ने-आण करण्यासाठी वाहनांची देखील व्यवस्था करण्यात आली आहे.

ही स्पर्धा साकेत पोलीस परेड ग्राऊंड, मुख्यालय येथील जुने परेड ग्राऊंड, साकेत येथील हेलीपॅड, सिध्दी हॉल व रहेजा गार्डन ठाणे स्पोर्ट क्लब येथे आयोजित करण्यात आलेली आहे.

या स्पर्धेचे साखळी सामने दि.22 फेब्रुवारी 2025 रोजी पासुन सुरू झाले असून, आजतागयत हॉकी (पुरूष), फुटबॉल (पुरूष), खो-खो (महिला व पुरुष), कबड्डी (महिला व पुरूष), रेसलिंग (महिला व पुरूष), बॉक्सींग (महिला व पुरुष), तायक्वांदो (महिला व पुरुष), पॉवर लिफ्टींग (महिला व पुरूष), व्हॉलीबॉल (महिला व पुरुष) असे साखळी सामने झाले असून या खेळांचे अंतिम सामने होणे बाकी आहे. या व्यतिरिक्त उर्वरित खेळ दि.25 फेब्रुवारी 2025 रोजी पासून सुरू झाले आहेत.

या स्पर्धेच्या थेट प्रक्षेपणाद्वारे क्रीडा रसिकांना स्पर्धेचा आनंद घेता यावा यासाठी https://youtube.com/@cpthanecity?si=2jLxYJoKSU3YbLRH अन्वये युट्युब लिंक तयार करण्यात आली आहे.

या स्पर्धेचे उ‌द्घाटन दि.27 फेब्रुवरी 2025 रोजी सायंकाळी 5.00 वाजता महाराष्ट्र राज्याचे उप मुख्यमंत्री व ठाणे जिल्ह्याचे पालकमंत्री एकनाथ शिंदे यांच्या हस्ते होणार असून स्पर्धेची सांगता/समारोप दि.1 मार्च 2025 रोजी दुपारी 3.30 वाजता महाराष्ट्र राज्याचे मुख्यमंत्री देवेंद्र फडणवीस यांच्या हस्ते होणार आहे. यावेळी महाराष्ट्र राज्य पोलीस दलाच्या प्रमुख, पोलीस महासंचालक श्रीमती रश्मी शुक्ला तसेच इतर मान्यवर हजर राहणार आहेत.

तरी, जिल्ह्यातील सर्व प्रसारमाध्यम प्रतिनिधी व क्रीडा रसिकांनी सहभागी खेळाडूंचे मनोबल वाढविण्यासाठी या स्पर्धेस उपस्थित राहावे, असे आवाहन ठाणे शहर पोलीस आयुक्तालयामार्फत करण्यात आले आहे.

00000

Comments

Post a Comment

Popular posts from this blog

जिल्ह्यातील दि.01 एप्रिल 2019 पूर्वीच्या नोंदणीकृत मोटार वाहनांवर हाय सिक्युरिटी नंबर प्लेट बसवून घ्यावी

Image
ठाणे,दि.23(जिमाका):-  परिवहन आयुक्त, महाराष्ट्र राज्य, मुंबई यांनी महाराष्ट्र राज्यातील दि.01 एप्रिल 2019 पूर्वीच्या नोंदणीकृत मोटार वाहनांवर हाय सिक्युरिटी नंबरप्लेट (HSRP) बसविणे बंधनकारक करण्याबाबत सूचित केले आहे. राष्ट्रीय सुरक्षेसाठी, वाहनांमुळे होणारे गुन्हे कमी करण्यासाठी, छेडछाड आणि बनावटगिरी रोखण्यासाठी तसेच रस्त्यांवर चालणाऱ्या सर्व प्रकारच्या वाहनांची ओळख पटविण्याकामी अशा अनेक प्रकारच्या गैरप्रकारांना आळा घालण्यासाठी मोटार वाहनांवरील हाय सिक्यूरिटी नंबरप्लेट (HSRP) बसविणे अत्यावश्यक आहे. सर्वोच्च न्यायालयाने देखील सर्व मोटार वाहनांवर हाय सिक्युरिटी नंबर प्लेट (HSRP) बसविण्याबाबत निर्देश जारी केले आहेत. हाय सिक्युरिटी नंबरप्लेट (HSRP) चे महत्व लक्षात घेता या कार्यालयाच्या कार्यक्षेत्रातील दि.01 एप्रिल 2019 पूर्वीच्या नोंदणीकृत वाहनांवर HSRP नंबर प्लेट बसविणे बंधनकारक आहे. त्याकरिता परिवहन विभागाने या कार्यालयासाठी M/s REAL MAZON INDIA LTD., एजन्सीची नियुक्ती केली असून शुल्क आणि लागणारा वेळ/दिवस निर्धारित केले आहेत. टू-व्हिलर्स आणि ट्रॅक्टर्स: रु.450, थ्री-व्हिलर्स: रु.500...
Read more

गायमुख घाटामधील वाहतूक कोंडीच्या समस्येचे निराकरण करण्यासाठी जिल्हाधिकारी डॉ.श्रीकृष्णनाथ पांचाळ ॲक्शन मोडमध्ये

Image
ठाणे,दि.05(जिमाका):-  ठाणे आणि परिसरातील वाहतूक कोंडीमुळे नागरिक त्रस्त असून सर्व यंत्रणांनी समन्वयाने हा परिसर वाहतूक कोंडीमुक्त करावा. तसेच रस्ते तातडीने दुरुस्त करून खड्डे मुक्तीसाठी उपलब्ध असलेले उत्तम तंत्रज्ञान वापरावे, असे निर्देश उपमुख्यमंत्री तथा ठाणे जिल्ह्याचे पालकमंत्री एकनाथ शिंदे यांनी सोमवार, दि.4 ऑगस्ट 2025 रोजी ठाण्यातील वाहतूक कोंडीसंदर्भात सर्व वरिष्ठ अधिकाऱ्यांसोबत झालेल्या बैठकीत दिले. या पार्श्वभूमीवर जिल्हाधिकारी डॉ.श्रीकृष्णनाथ पांचाळ यांनी सोमवार, दि.4 ऑगस्ट रोजी ठाणे घोडबंदर रोडवरील गायमुख घाटामध्ये होणाऱ्या वाहतूक समस्येबाबत आवश्यक उपाययोजना करण्यासंदर्भात तात्काळ स्थळपाहणी केली. यावेळी त्यांच्यासमवेत वाहतूक पोलीस उपायुक्त पंकज शिरसाट, निवासी उपजिल्हाधिकारी डॉ.संदीप माने, प्रांताधिकारी उर्मिला पाटील, ठाणे महानगरपालिकेचे शहर अभियंता प्रशांत सोनाग्रा, कार्यकारी अभियंता संजय कदम, तहसिलदार उमेश पाटील, सार्वजनिक बांधकाम विभागाचे उपअभियंता संजीव वानखेडे, शाखा अभियंता प्रसाद सनगर व इतर संबंधित विभागांचे अधिकारी उपस्थित होते. स्थळपाहणी झाल्यानंतर जिल्हाधिकारी श्र...
Read more

जिल्हाधिकारी अशोक शिनगारे व मुख्य कार्यकारी अधिकारी रोहन घुगे यांची शहापूर तालुक्यातील शेणवा प्राथमिक आरोग्य केंद्रास “सरप्राईज व्हिजिट”

Image
आरोग्य व्यवस्था पाहून व्यक्त केले समाधान ठाणे,दि.27(जिमाका):-  शासनाच्या ‘मिशन 100 डेज् ’   अंतर्गत जिल्हाधिकारी अशोक शिनगारे व मुख्य कार्यकारी अधिकारी रोहन घुगे यांनी शहापूर तालुक्यातील शेणवा प्राथमिक आरोग्य केंद्रास भेट देवून तेथील उपलब्ध औषधसाठा, स्वच्छता तसेच इतर सोयीसुविधांची पाहणी केली. यावेळी त्यांनी नागरिकांना मिळणाऱ्या आरोग्य सोयीसुविधांची खातरजमा करण्यासाठी उपस्थित वैद्यकीय अधिकाऱ्यांकडून स्वत:ची वैद्यकीय तपासणी करून घेतली. यावेळी त्यांनी आपली ईसीजी चाचणी केली. या चाचणीचा रिपोर्ट अवघ्या 3 मिनिटात प्राप्त झाला. या घटनेमुळे प्रशासनातर्फे देण्यात येणाऱ्या आरोग्य सेवांच्या तत्परतेबद्दल तेथील नागरिकांनी आरोग्य विभागाचे आणि जिल्ह्याच्या सर्वोच्च अधिकाऱ्यांनी अशा प्रकारे दिलेल्या अचानक भेटीचे कौतुक केले. याप्रसंगी उपस्थित आरोग्य अधिकारी-कर्मचाऱ्यांना प्रोत्साहनपर मार्गदर्शन करताना त्यांनी सांगितले की, आपल्या हातून जनतेची सेवा घडत राहावी. समाजातील शेवटच्या घटकापर्यंत आपल्या आरोग्य सोयीसुविधांचा लाभ मिळायला हवा. यासाठी सर्वांनी एकजुटीने व प्रामाणिकपणे आपली कर्तव्यपूर्ती करावी...
Read more