महाराष्ट्र पर्यटन संचालनालयाच्या पुढाकाराने 23 व 24 ऑगस्ट रोजी पुणे येथे 'पर्यटनाचा महाकुंभ 2025' चे आयोजन


ठाणे,दि.22(जिमाका):- महाराष्ट्र हे ऐतिहासिक, सांस्कृतिक, नैसर्गिक आणि धार्मिक पर्यटनासाठी देश-विदेशात प्रसिद्ध आहे. सह्याद्रीपासून कोकण किनारपट्टीपर्यंत, विदर्भाच्या वन्यजीवांपासून मराठवाड्याच्या वारशापर्यंत, राज्याची पर्यटन संपदा अत्यंत वैविध्यपूर्ण आहे. यामुळेच महाराष्ट्र पर्यटनाला जागतिक पातळीवर अधिक बळकटपणे सादर करण्याची संधी साधत महाराष्ट्र पर्यटन संचालनालय (डायरोक्टरेट ऑफ टुरिझम (DOT)) यांच्या पुढाकाराने महाराष्ट्रातील पर्यटनाचा व्यापक प्रचार आणि प्रसार करण्याच्या उद्देशाने येत्या शनिवार व रविवार दि.23 व 24 ऑगस्ट 2025 रोजी पुणे सेंट्रल हॉल, डेक्कन येथे पर्यटनाचा महाकुंभ 2025 या कार्यक्रमाचे आयोजन करण्यात आले असून "आपला जिल्हा, आपले पर्यटन" ही थिम आहे. मुख्य प्रायोजक महाराष्ट्र पर्यटन संचालनालय, प्रायोजक रॉयल गोल्डफील्ड कब रिसॉर्ट आणि संकल्पना व ट्रॅव्हल पार्टनर स्मिता हॉलिडेज यांच्या संयुक्त विद्यमानाने हा पर्यटनाचा महाकुंभ आयोजिला आहे. कार्यक्रमाचे ठिकाण सेंट्रल पार्क हॉटेल, जंगली महाराज रोड, डेक्कन पुणे असून वेळ सकाळी 10 ते रात्री 8 पर्यंत आहे. या कार्यक्रमामध्ये महाराष्ट्रातील सर्व 36 जिल्ह्यांचे पर्यटन स्टॉल्स, ज्यामध्ये प्रत्येक जिल्ह्यातील प्रमुख पर्यटनस्थळे, ऐतिहासिक वारसा, सांस्कृतिक परंपरा आणि विशेष वैशिष्ट्यांचे दर्शन घडणार असून, सर्व जिल्ह्यातील जिल्हाधिकारांना आमंत्रित करण्यात आले आहे. युनेस्को जागतिक वारसा यादीत समाविष्ट झालेल्या महाराष्ट्रातील किल्ल्यांचा विशेष प्रचार यामध्ये करण्यात येणार आहे.

नागरिकांनी व पर्यटकप्रेमींनी या सुवर्णसंधीचा लाभ घेत अधिक संख्येने या कार्यक्रमास हजेरी लावावी, असे आवाहन आयोजकांतर्फे करण्यात आले आहे.

00000

Comments

Post a Comment

Popular posts from this blog

कामाच्या ठिकाणी महिलांचा लैंगिक छळ (प्रतिबंध मनाई अणि निवारण) अधिनियम 2013 (Posh Act) ची प्रभावी अंमलबजावणी करण्याचे आवाहन

Image
ठाणे , दि.2(जिमाका):- कामाच्या ठिकाणी महिलांचा लैंगिक छळ (प्रतिबंध मनाई अणि निवारण) अधिनियम 2013 ( Posh Act) ची प्रभावी अंमलबजावणी करण्यासाठी Posh Act 2013 मधील कलम 6(1) अन्वये ज्या आस्थापनेमध्ये 10 पेक्षा कमी कर्मचारी असतील किंवा जेथे नियुक्ती प्राधिकाऱ्याविरूध्द तक्रार असेल तर अशा तक्रारी जिल्हास्तरीय स्थानिक समितीकडे करता येतील , अशी तरतूद दि.11 सप्टेंबर 2014 रोजीच्या शासन निर्णयान्वे करण्यात आलेली आहे. त्यानुसार ठाणे जिल्ह्यासाठी स्थानिक समिती कार्यरत आहे. त्यानुसार घरकाम करणाऱ्या महिला , बांधकाम क्षेत्रात कार्रत महिला , तसेच इतर असंघटीत क्षेत्रातील कार्यरत महिला कामगार किंवा जेथे नियुक्ती प्राधिकाऱ्याविरूध्द तक्रार करावयाची असेल अशा महिलांनी त्यांच्यासोबत झालेल्या लैंगीक हिंसाचाराबाबत जिल्हास्तरीय स्थानिक समितीकडे 90 दिवसांच्या आत तक्रार दाखल करावी , असे आवाहन जिल्हा महिला व बाल विकास अधिकारी नमिता शिंदे यांनी केले आहे. जिल्हा महिला व बाल विकास अधिकारी कार्यालय , पहिला मजला , नियोजन भवन इमारत , कोर्ट नाका , ठाणे या पत्त्यावर प्रत्यक्ष येऊन किंवा Shebox.wcd.gov.in   वर R...
Read more

सर्व खाजगी आस्थापनांमध्ये अंतर्गत समिती स्थापन करणे बंधनकारक

समितीची नोंदणी SHE BOX PORTAL वर करण्याबाबत केंद्र शासनाचे निर्देश   ठाणे , दि.2(जिमाका):-   कामाच्या ठिकाणी महिलांचा लैंगिक छळ (प्रतिबंध मनाई अणि निवारण) अधिनियम 2013 ( Posh Act) ची प्रभावी अंमलबजावणी करण्यासाठी Posh Act 2013 मधील कलम 4(1) अन्वये ज्या कार्यालयामध्ये 10 किंवा 10 पेक्षा जास्त कर्मचारी असतील अशा सर्व खाजगी आस्थापनांमध्ये अंतर्गत समिती स्थापन करणे बंधनकारक आहे. तसेच सदरील अंतर्गत समितीची नोंदणी SHE BOX PORTAL वर करण्याबाबत केंद्र शासनाचे निर्देश आहेत. त्यासाठी ठाणे जिल्ह्यातील सर्व खाजगी आस्थापनांनी SHE BOX PORTAL वर नोंदणी करण्याबाबत जिल्हा महिला व बाल विकास अधिकारी नमिता शिंदे यांनी आवाहन केले आहे. वारंवार आवाहन करुनही ठाणे जिल्ह्यातील खाजगी आस्थापना शाळा , कॉलेज , खाजगी कंपन्या , कारखाने , बँका , हॉस्पिटल्स , हॉटेल , शॉप अॅक्ट अंतर्गत नोंदणीकृत सर्व खाजगी आस्थापना इत्यादी सर्व आस्थापनांनी SHE BOX PORTAL वर आपल्या आस्थापनेची व अंतर्गत समितीची नोंदणी केलेली नाही. त्यामुळे या खाजगी आस्थापनांनी तात्काळ आपली नोंदणी SHE BOX PORTAL वर करावी , ज्या खाजगी आस्थापन...
Read more

साहित्यरत्न लोकशाहीर अण्णाभाऊ साठे यांच्या जयंतीनिमित्त मातंग समाजातील विद्यार्थ्यांना प्रोत्साहनपर अण्णा भाऊ साठे शिष्यवृत्ती

    ठाणे,दि. 16 (जिमाका) :- साहित्यरत्न लोकशाहीर अण्णाभाऊ साठे विकास महामंडळ (मर्या.) या महामंडळामार्फत सन २०२६-२७ या शैक्षणिक वर्षात इयत्ता १० वी, १२ वी, पदवी, पदव्युत्तर, वैद्यकीय व अभियांत्रिकी अभ्यासक्रमामध्ये विशेष प्राविण्याने ६०% पेक्षा जास्त गुण मिळवून उत्तीर्ण झालेल्या मांग, मातंग, मिनी-मादीग, मादीग, दानखणी मांग, मांग महाशी, मदारी, राधेमांग, मांग गारुडी, मांग गोराडी, मादगी व मादिगा या जातीतील विद्यार्थी / विद्यार्थीनींना महामंडळाकडून जेष्ठता व गुण क्रमांकानुसार महामंडळाकडे प्राप्त झालेल्या अर्जापैकी जिल्ह्यातील प्रथम ०१ ते ०३ किंवा ०५ विद्यार्थ्यांना निधीच्या उपलब्धतेनुसार प्रोत्साहनपर अण्णा भाऊ साठे शिष्यवृत्ती योजनेचा लाभ दरवर्षी साहित्यरत्न लोकशाहीर अण्णा भाऊसाठे यांच्या जयंतीनिमित्त देण्यात येतो. त्या अनुषंगाने मांग, मातंग, मिनी-मादीग, मादीग, दानखणी मांग, मांग महाशी, मदारी, राधेमांग, मांग गारुडी, मांग गोराडी, मादगी व मादिगा या जातीतील विद्यार्थ्यांनी/विद्यार्थींनी दि.२८जुलै २०२६ पर्यंत महामंडळाचे जिल्हा कार्यालय,   डॉ. बाबासाहेब आंबेडकर सामाजिक न्याय भव...
Read more