माजी सैनिक/विधवांचे पाल्यांसाठी पंतप्रधान शिष्यवृत्ती योजना २०२५-२६

 

          ठाणे,दि.30(जिमाका) :- माजी सैनिक/माजी सैनिक विधवांच्या पाल्यांना केंद्रिय सैनिक बोर्ड, नवी दिल्ली यांच्यामार्फत पंतप्रधान शिष्यवृत्ती योजनेअंतर्गत शिष्यवृत्ती दिली जाणार आहे. ज्यांचे पाल्य शै. वर्ष 2024-25 मध्ये इ.12 वी, डिप्लेामा व पदवीपरीक्षेमध्ये किमान 60% गुण मिळवून उत्तीर्ण झाले आहेत व त्यांनी Engineering, B.Tech, MBBS, BDS, B.Ed, BBA, B.Pharm, BCA, MBA व MCA इत्यादी अभ्यासक्रमासाठी प्रवेश घेतला आहे, अशा पाल्यांसाठी ही शिष्यवृत्ती दिली जाणार आहे.

पंतप्रधान शिष्यवृत्तीसाठीचे अर्ज ऑनलाईन पध्दतीने भरावयाचे आहेत. हे अर्ज आणि पंतप्रधान शिष्यवृत्तीसाठीच्या अभ्यासक्रमाची यादी केंद्रिय सैनिक बोर्ड, नवी दिल्ली यांच्या www.ksb.gov.in या संकेतस्थळावर उपलब्ध आहेत. संबंधित माजी सैनिक/माजी सैनिक विधवांनी त्यांचे ऑनलाईन अर्ज दि.31 डिसेंबर 2025 पूर्वी जिल्हा सैनिक कल्याण कार्यालयाकडे सादर करावेत. अर्ज भरण्यापूर्वी लाभार्थ्यांनी संकेतस्थळावर देण्यात आलेल्या Annexure-1,2,3 च्या प्रती जिल्हा सैनिक कल्याण अधिकारी, कॉलेजचे Vice Chancellor/Principal/Vice Principal/Dean/Associate Dean/Registrar/Dy Registrar व बँक मॅनेजर यांची स्वाक्षरी घेवून सोबत ठेवावेत. सर्व लाभार्थ्यानी ऑनलाईन अर्ज भरल्यानंतर अर्जाची प्रत व त्यासोबत जेाडलेल्या कागदपत्रांच्या मूळ प्रति घेवून जिल्हा सैनिक कल्याण कार्यालयात कागदपत्रांच्या पडताळणीकरीता उपस्थित राहावे, असे जिल्हा सैनिक कल्याण अधिकारी, ठाणे/पालघर मेजर प्रांजळ जाधव यांनी कळविले आहे. अधिक माहितीसाठी ०२०-४५६४१५९३ / ९९२००१६५८० या क्रमांकावर संपर्क साधावा.

00000