शिक्षण घेणाऱ्या विद्यार्थिनीसाठी कार्यालयासाठी ठाणे येथे खाजगी इमारत भाड्याने देण्याकरिता इच्छुक इमारत मालकांनी अर्ज सादर करण्याचे आवाहन

 

 

शिक्षण घेणाऱ्या विद्यार्थिनीसाठी कार्यालयासाठी ठाणे येथे खाजगी इमारत

भाड्याने देण्याकरिता इच्छुक इमारत मालकांनी अर्ज सादर करण्याचे आवाहन

 

ठाणे,दि.25(जिमाका) :-  महाराष्ट्र राज्यातील प्रत्येक जिल्ह्यात इमाव, विजा, भज व विमाप्र प्रवर्गातील मॅट्रीकोत्तर व्यवसायिक शिक्षण घेणाऱ्या विद्यार्थ्यांसाठी प्रत्येक जिल्ह्याच्या ठिकाणी 100 विद्यार्थी  क्षमतेचे मुलांसाठी 1 व मुलीसाठी 1 याप्रमाणे 36 जिल्ह्याच्या टिकाणी 72 शासकीय वसतिगृह भाड्याच्या इमारती घेऊन कार्यान्वित करण्यास शासनाद्वारे मान्यता देण्यात आली आहे.

या अनुषंगाने ठाणे जिल्ह्यातील 100 विद्यार्थिनी क्षमतेचे वसतिगृह सुरु करावयाचे आहे. तरी ठाणे शहरामध्ये सदर वसतिगृहासाठी ठाणे  रेल्वे स्टेशन जवळ अथवा मध्यवर्ती ठिकाणी या परिसरामधील इमारत मालक/बांधकाम विकासक यांच्याकडून अर्ज मागविण्यात येत आहे.

 वसतिगृह :- इमाव, विजाभज व विमाप्र प्रवर्गातील मॅट्रीकोत्तर व्यवसायिक शिक्षण घेणाऱ्या मुलींचे वसतिगृह.

इमारतीचा तपशिल :- ही जागा ठाणे परिसरात / ठाणे रेल्वे स्टेशन जवळ अथवा मध्यवर्ती ठिकाणी असणे आवश्यक आहे.  या इमारतीची जागा किमान 9200.स्के.फूट व क्षेत्रफळाच्या अटी व शर्तीची पूर्तता करणारी असावी.  ही इमारत अधिकृत असावी व पूर्णत्वाचा दाखला असावा. इमारतीचे भाडे कार्यकारी अभियंता, सार्वजनिक बांधकाम विभाग यांनी ठरविल्यानुसार इमारत मालक देण्यास तयार असल्याबाबत संमतीपत्र देणे आवश्यक राहील, असे आवाहन इतर मागास बहुजन कल्याण, ठाणे सहायक संचालक समाधान इंगळे यांनी एका प्रसिध्द पत्रकाद्वारे कळविले आहे.  

000000000