जिल्हा माहिती कार्यालय, ठाणे

  ठाणे, दि.31 (जिमाका): महाराष्ट्र राज्य माध्यमिक व उच्च माध्यमिक शिक्षण मंडळामार्फत मार्च-एप्रिल 2022 मध्ये   होणाऱ्या   इयत्ता 12 वी ची परीक्षा 04 मार्च 2022 ला तर   दहावीची परीक्षा दि. 15 मार्च 2022 ला सुरु होत असून   नियमित शुल्क भरुन परीक्षेच्या एक दिवस अगोदर पर्यंत ऑनलाईन   पध्दतीने आवेदनपत्र सुविधा उपलब्ध करुन देण्यात आलेली आहे.ही सुविधा फक्त मार्च-एप्रिल 2022 या वर्षा पुरतीच आहे.या बदलाची सर्व मुख्याध्यापक/प्राचार्य, सर्व माध्यमिक शाळा, उच्च माध्यमिक शाळा/कनिष्ठ महाविद्यालये, शिक्षक, विद्यार्थी, पालक यांनी नोंद घ्यावी,असे आवाहन महाराष्ट्र राज्य माध्यमिक व उच्च माध्यमिक शिक्षण मंडळाचे   प्र.सचिव अनुराधा ओक यांनी कळविले आहे. 0000000          

  ठाणे,दि.31 (जिमाका): अनुसूचित जाती प्रवर्गातील विद्यार्थ्यांना शिष्यवृत्तीचे अर्ज स्विकारण्यास मुदतवाढ दिली आहे. नवीन अर्ज करणाऱ्यांनी दि. 9 जानेवारी 2022 पर्यंत तर नुतनीकरण करणाऱ्या विद्यार्थ्यांना 4 जानेवारी 2022 पर्यंत महाडीबीटी पोर्टलवर (http://mahadbtmahait.gov.in) अर्ज करता येणार असल्याचे सामाजिक न्याय विभागाचे सहाय्यक आयुक्त बलभीम शिंदे यांनी सांगितले आहे. राज्य शासनाच्या सर्व प्रकारच्या शिष्यवृत्तीसाठी http://mahadbtmahait.gov.in या संकेतस्थळावर अर्ज भरण्याची प्रक्रिया सुरू झाली आहे. 2020-21 व 2021-22 या शैक्षणिक वर्षाकरिता अनुसूचित जाती, विजाभज, इमाव व विमाप्र प्रवर्गातील विद्यार्थ्यांनी सामाजिक न्याय व विशेष सहाय्य विभाग व इमाव बहुजन कल्याण विभागामार्फत विविध शिष्यवृत्ती व फ्रि शिप या योजनांकरिता ऑनलाईन अर्ज नोंदणीकृत करावेत. त्यानंतर हे अर्ज संबंधित महाविद्यालयाकडून तपासून व पडताळणी करून सहाय्यक आयुक्त, समाज कल्याण या कार्यालयाकडे सादर करावेत, असे आवाहन श्री. शिंदे यांनी केले आहे.   0000000

  लग्न समारंभ ,   सामाजिक- धार्मिक कार्यक्रमांसाठी 50 लोकांनाच परवानगी   ठाणे ,   दि. 31 (जिमाका) :- ठाणे जिल्ह्यात कोविड आणि ओमायक्रोनचा प्रसार होऊ नये यासाठी खबरदारीचा उपाय म्हणून राज्य शासनाच्या निर्देशानुसार ठाणे जिल्हाधिकारी राजेश नार्वेकर यांनी आणखी कडक निर्बंध लागू केले आहेत. त्यानुसार आता लग्न समारंभ ,   सामाजिक ,   धार्मिक ,   क्रीडा स्पर्धा , संमेलने/मेळावे , सांस्कृतिक व राजकीय कार्यक्रमांसाठी सुधारित 31 डिसेंबर 2021 च्या मध्यरात्रीपासून निर्बंध लागू झाले आहेत. जिल्हाधिकारी कार्यालयाने काढलेल्या परिपत्रकानुसार , बंदिस्त ठिकाणी किंवा खुल्या दालनात संपन्न होणाऱ्या लग्न समारंभांसाठी उपस्थितांची मर्यादा 100 वरून 50 करण्यात आली आहे. त्याच प्रमाणे दालनात किंवा खुल्या जागेत होणाऱ्या धार्मिक ,   सांस्कृतिक ,   सामाजिक किंवा राजकीय कार्यक्रमांसाठी ही सदर मर्यादा 50 करण्यात आली आहे. तसेच अंतिम संस्कारासाठी केवळ 20 लोकांना मुभा देण्यात आली आहे. याशिवाय यापूर्वी 27 नोव्हेंबर 2021 व 24 डिसेंबर 2021 रोजीच्या आदेशानुसार लागू करण्यात आलेले इ...

  ठाणे , दि. 30   ( जिमाका) : प्रधानमंत्री किसान सन्मान निधी योजनेसंदर्भात प्रधानमंत्री नरेंद्र मोदी हे 1 जानेवारी 2022 रोजी दु. 12.30 वा. शेतकऱ्यांशी ऑनलाईन माध्यमातून संवाद साधणार आहेत. या कार्यक्रमास जिल्ह्यातील सर्व शेतकऱ्यांनी सहभागी व्हावे , असे आवाहन कृषी विभागाने केले आहे. या कार्यक्रमाचे थेट प्रक्षेपण डीडी किसान ,   डीडी नॅशनल (राष्ट्रीय दुरदर्शन) वर केले जाणार आहे. तसेच   pmindiawebcast.nic.in     वेबकास्टवर या कार्यक्रमाचे थेट देखील उपलब्ध होणार आहे.   या कार्यक्रमात शेतकरी उत्पादक संस्थांना समभाग निधी वितरण करणे , योजनेतील लाभार्थ्यांना 10 व्या हप्त्याचे वितरण करण्यात येणार आहे. तसेच प्रधानमंत्री श्री. मोदी हे यावेळी शेतकऱ्यांनी संवाद देखील साधणार आहेत. या कार्यक्रमास जिल्ह्यातील जास्तीत जास्त शेतकऱ्यांनी ऑनलाईन उपस्थित रहावे , असे आवाहन करण्यात आले आहे.                                ...

  ठाणे ,   दि.   30   (जिमाका)   :-   ठाणे जिल्ह्यात ओमायक्रॉनचा संसर्ग रोखण्यासाठी तसेच कोविडच्या तिसऱ्या लाटेच्या पार्श्वभूमीवर   प्रतिबंधात्मक उपाययोजना म्हणून   ऑ क्सिजन   पुरवठा ,   रुग्णालयातील व्यवस्था ,   मनुष्य बळ   यांचा आढावा घेऊन   संसर्ग रोखण्यासाठी जिल्ह्यातील आरोग्य यंत्रणेने सतर्क राहण्याचे निर्देश   जिल्हाधिकारी राजेश नार्वेकर यांनी दिले. ओमायक्रॉन संसर्ग रोखण्यासाठी तसेच तिसऱ्या लाटेविरुद्ध तयारीसंदर्भात आज जिल्हाधिकारी श्री. नार्वेकर यांनी आरोग्य यंत्रणेसह संबंधित विभागांची बैठक घेतली. यावेळी जिल्हा परिषदेचे मुख्य कार्यकारी अधिकारी डॉ. भाऊसाहेब दांगडे ,   अप्पर जिल्हाधिकारी वैदेही रानडे ,   निवासी उपजिल्हाधिकारी सुदाम परदेशी ,   जिल्हा शल्य चिकित्सक कैलाश पवार , जिल्हा शिक्षण अधिकारी शेषराव बढे , जिल्हा आरोग्य विभागाचे अधिकारी उपस्थित होते. यावेळी जिल्ह्यातील रुग्णालायातील बेडची उपलब्धता , प्राणवायूचा साठा , औषधे , कोवीड सेंटर यांचा आढावा घेण्यात आला. जिल्हाधिकारी श्री. नार्वेकर...

ठाणे दि.27 ( जिमाका) भिंवडी तालुक्यातील गोवे ग्रामपंचायतीच्या पोटनिवडणूकी निमित्त आदर्श आचारसंहिता लागू झाली आहे.या निवडणूकीसाठी नामनिर्देशक पत्रे स्विकारण्याची   ठिकाणी 100 मीटर परिसरात राजकीय पक्ष, संघटनेचे पदाधिकारी कार्यकर्ते आणि प्रतिनिधी किंवा इतर व्यक्ती यांना निवडणूक संबधी सभा,बैठका,पत्रकार परिषद घेण्यास दि.6 जानेवारी 2022   रोजी पर्यंत प्रतिबंध करण्यास आल्याचे पोलीस आयुक्त जय   जित सिंह यांनी कळविले आहे. गोवे ग्रामपंचायत पोट निवडणुकीसाठी   दिनांक 28 डिसेंबर 2021 ते दिनांक   03/01/ 2022 या कालावधीत नामनिर्देशन पत्रे मागविणे व सादर करावयाचे आहेत. दिनांक 04/01/ 2022 रोजी सकाळी 11.00   वाजल्यापासून नामनिर्देशन पत्राची छाननी करण्यात येणार आहे. दिनांक 06/01/2022   रोजी दुपारी 3.00 वा. पर्यंत नामनिर्देशन पत्र मागे घेण्याचा व दुपारी 3.00 वा. नंतर निवडणूक चिन्ह नेमून देणे व निवडणूक लढविणाऱ्या उमेदवारांची यादी प्रसिद्ध करणार आहेत. दिनांक 18/01 /2022 रोजी मतदान होणार असुन, दिनांक 19/01/2022   रोजी मतमोजणी   होणार आहे. दिनांक 24/01 /2022 ...

ठाणे, दि.28 (जिमाका): ठाणे जिल्हा कौशल्य विकास, रोजगार व उद्योजकता मार्गदर्शन केंद्र, व जिल्हा व्यवसाय शिक्षण व प्रशिक्षण कार्यालय यांच्या संयुक्त विद्यमाने जिल्ह्यातील उमेदवारांसाठी दिनांक 29 व 30 डिसेंबर 2021 या कालावधीत ऑनलाईन रोजगार मेळाव्याचे आयोजन करण्यात आले आहे. असे जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त कविता जावळे यांनी कळविले आहे. उमेदवारांनी नोंदणीसाठी   www.ncs.gov.in या पोर्टलवर जॉबसिकर म्हणून नोंदणी करावी. नंतर जॉब फेअर व इव्हेंट टॅब मधिल   ऑनलाईन जॉब फेअर या टॅबवर क्लिक करावे व उपलब्ध असलेल्या रिक्तपदाची माहिती पाहून ऑप्शनवर क्लिक करावे. अधिक माहितीसाठी   कार्यालयाच्या ०२२-२५४२८३०० या दूरध्वनीवर संपर्क साधावा,असे आवाहन श्रीमती जावळे यांनी केले आहे. 0000000

    ठाणे, दि.28 (जिमाका) अनुसूचित जाती व नवबौध्द घटकातील विद्यार्थ्यासाठी राबविण्यात येणाऱ्या भारतरत्न डॉ. बाबासाहेब आंबेडकर स्वाधार योजनेसाठी अर्ज करण्यासाठी 31   डिसेंबर 2021 पर्यंत मुदतवाढ देण्यात आली आहे,असे समाज कल्याण विभागाचे   सहायक आयुक्त बलभीम शिंदे यांनी कळविले आहे. डॉ. बाबासाहेब आंबेडकर स्वाधार योजनेसाठी अर्ज सादर केलेले नाही, अशा विद्यार्थ्यांनी शुक्रवार दि. 31 डिसेंबर 2021 पर्यंत आवश्यक कागदपत्रासह परिपूर्ण अर्ज सहायक आयुक्त, समाज कल्याण, ठाणे कार्यालयात सादर करावे.या योजनेअंतर्गत अर्ज भरण्याच्या मुदतवाढीबाबत प्राचार्यांनीही संबंधीत विद्यार्थ्यांना कळवावे. मुदतीनंतर अर्ज स्वीकारले जाणार नाहीत,असे सहायक आयुक्त श्री. शिंदे यांनी कळविले आहे.

  जिल्हास्तरीय युवा महोत्सवाचे 3 जानेवारी ऑनलाईन आयोजन ठाणे, दि.27 (जिमाका): युवकांमध्ये एकात्मकतेची भावना जागृत करणे तसेच सांस्कृतिक कार्यक्रमांच्या माध्यमातून युवा वर्गातील सुप्त गुणांना वाव देण्यासाठी 03 जानेवारी 2022   जिल्हास्तरीय युवा महोत्सवाचे   ऑनलाईन आयोजन करण्यात आले आहे.इच्छुकांनी 30   डिसेंबर 2021 पर्यंत अर्ज करावे, असे आवाहन जिल्हा क्रीडा अधिकारी स्नेहल साळुंखे यांनी केले आहे. युवकांच्या कला   गुणांना वाव देण्यासाठी   दरवर्षी   12   जानेवारी रोजी राष्ट्रीय युवा महोत्सव आयोजित केला जातो. देशभरातील जिल्हयातून युवा महोत्सवातील संघ राष्ट्रीय युवा महोत्सवात सामील होतात. ठाणे जिल्हास्तरीय युवा महोत्सवात सहभागी होण्यासाठी शाळा, महाविद्यालय, युवक मंडळे कलावंतानी 30 डिसेंबर 2021 पर्यंत आपले अर्ज dsothane 2020@gmail.com या मेलवर पाठवावे ,असे आवाहन श्री.साळुखे यांनी केले आहे. 000000        

ठाणे ,दि.27 (जिमाका) :कोरोना विषाणूच्या संक्रमणाच्या पार्श्वभूमीवर गेल्या काही दिवसांमध्ये "ओमिक्रॉन" ही नवीन विषाणू प्रजाती जगामध्ये अनेक देशांमध्ये आढळून आली आहे. जिल्हयात या विषाणूचा   प्रादुर्भाव रोखण्यासाठी दिनांक 25 डिसेंबर 2021   पासून   पुढील आदेश होईपर्यंत   जिल्हा प्रशासनाने निर्बंध लागू केले आहेत.जिल्हाधिकारी राजेश नार्वेकर   व पोलीस आयुक्त जय जीत सिंह यांनी हे   आदेश लागू केले आहेत. 1) विवाह सोहळ्यांना कोणत्याही प्रकारच्या बंदिस्त सभागृहांमध्ये एका वेळी 100 पेक्षा अधिक लोकांना उपस्थित राहता येणार नाही. तसेच खुल्या मैदानांत 250   लोक किंवा क्षमतेच्या 25 % उपस्थितिची अट राहील. 2 )   इतर सामाजिक, राजकीय किंवा धार्मिक कार्यक्रम आणि मेळाव्यांत बंदिस्त सभागृहामध्ये एका वेळी 100 पेक्षा अधिक लोकांना उपस्थित राहता येणार नाही. तसेच खुल्या मैदानांत 250 लोक किंवा क्षमतेच्या 25 % उपस्थितीची अट राहील. 3)   इतर कार्यक्रमांच्या बाबतीत बंदिस्त सभागृहात क्षमतेच्या 50 % तर खुल्या मैदानात क्षमतेच्या 25 % पेक्षा जास्त नसावी. क्रीडा स्पर्धांसाठ...

  ओमायक्रॉनचा धोका टाळण्यासाठी लसीकरणाला गती देणे आवश्यक लसीकरण वाढविण्यासाठी कॉल सेंटर्स,सायंकाळचे सत्र सुरू करणार -           जिल्हाधिकारी राजेश नार्वेकर ठाणे दि. १६   (जिमाका) :   कोरोना प्रतिबंधात्मक लसीकरणासाठीच्या जिल्हास्तरीय कृती दलाची (टास्क फोर्स) बैठक जिल्हाधिकारी राजेश नार्वेकर यांच्या अध्यक्षतेखाली आज झाली. ठाणे जिल्ह्यातील ग्रामीण भागाचा लसीकरणाचा टक्का वाढविण्यासाठी यावेळी चर्चा व्यक्त करण्यात आली. ओमायक्रॉनचा धोका टाळण्यासाठी लसीकरणाला गती देण्याचे निर्देश जिल्हाधिकारी आणि जिल्हा परिषदेचे मुख्य कार्यकारी अधिकारी यांनी यंत्रणेला दिले. जिल्हा परिषदेच्या आरोग्य सभापती वंदना भांडे, जिल्हा परिषदेचे मुख्य कार्यकारी अधिकारी डॉ.भाऊसाहेब दांगडे, जिल्हा शल्यचिकित्सक डॉ.कैलास पवार, जिल्हा आरोग्य अधिकारी डॉ.मनिष रेंघे आदि यावेळी उपस्थित होते. लसीकरणाचे प्रमाण वाढविण्याकरीता प्राथमिक आरोग्य केंद्र आणि तालुकास्तरावर कॉल सेंटर सुरु करण्याचा. विद्यार्थ्यांच्या माध्यमातून प्रभात फेरी काढून लसीकरणासाठी आवाहन करतानाच काह...

ठाणे,दि. 07 (जिमाका): जिल्हयातील गुणवंत खेळाडू, दिव्यांग खेळाडू व क्रीडा मार्गदर्शक यांना जिल्हा क्रीडा पुरस्कार देण्यात येतो.त्यासाठी 17 डिसेंबरपर्यंत अर्ज    मागविण्यात आले आहेत. या पुरस्कारांचे स्वरुप रोख रु. १०,०००/- स्मृतीचिन्ह व प्रमाणपत्र असे आहे. सन २०२०-२१ मध्ये जिल्हयातील गुणवंत खेळाडू (१ महिला, १ पुरुष), १ गुणवंत दिव्यांग खेळाडू व १ क्रीडा मार्गदर्शक यांना पुरस्कार देण्यात येणार आहेत. या पुरस्करासाठी अर्जदार हा महाराष्ट्रात सलग १५ वर्षे वास्तव्य करणारा असावा. हा पुरस्कार सर्वाधिक गुण प्राप्त करणाऱ्या अर्जदारास देण्यात येईल. या पुरस्कारांसाठी दि. १० डिसेंबर २०२१ पर्यंत जिल्हा क्रीडा अधिकारी कार्यालय, कोर्ट नाका, जिल्हाधिकारी कार्यालय आवार, ठाणे येथून अर्ज घेऊन जाणे व अर्ज परिपूर्ण भरुन दि. १७ डिसेंबर २०२१ पर्यंत जिल्हा क्रीडा अधिकारी कार्यालयात जमा करावे, असे आवाहन   जिल्हा क्रीडा अधिकारी स्नेहल साळुंके यांनी केले आहे.   000000

सुसज्ज वाहनांच्या मदतीने गुन्हेगारी रोखावी पोलिसांसाठी घरांच्या निर्मितीला प्राधान्य -           गरविकास मंत्री एकनाथ शिंदे             ठाणे ,  दि. 7 (जिमाका) :- कायदा व सुव्यवस्था अबाधित राखण्यासाठी पोलीसांना आधुनिक सुसज्ज वाहने उपलब्ध करुन देतानाच त्यांच्या घरांचा देखील प्रश्न मार्गी लागावा यासाठी नगरविकास विभागाच्या माध्यमातून सकारात्मक पावले उचलण्यात आल्याचे राज्याचे नगरविकास मंत्री तथा ठाणे जिल्ह्याचे पालकमंत्री एकनाथ शिंदे यांनी आज येथे सांगितले.   जिल्हा नियोजन निधीतून ठाणे शहर पोलीस आयुक्तालयाला १८ चारचाकी आणि १९ दुचाकी वाहने देण्यात आली. त्यांचा वितरण सोहळा पालकमंत्री श्री.शिंदे ,  गृहनिर्माण मंत्री डॉ.जितेंद्र आव्हाड यांच्या उपस्थितीत येथील साकेत पोलीस कवायत मैदानावर झाला. त्यावेळी मंत्री श्री.शिंदे बोलत होते.   यावेळी महापौर नरेश म्हस्के ,  आमदार गणपत गायकवाड ,  रईस शेख ,  ठाणे पोलीस आयुक्त जय जीत सिंह ,  जिल्हाधिकारी राजेश नार्वेकर ,...

  ठाणे,दि.07(जिमाका):केंद्र सरकारच्या स्टॅण्ड अप इंडिया या योजनेतंर्गत   उद्योग करण्यासाठी अनुसूचित जाती व नवबौध्द घटक यांच्यासाठी   मार्जिन मनी योजनची कार्यशाळा 10 डिसेंबर रोजी सकाळी 11 वाजता डॉ.व्ही.एन. बेडेकर इन्स्टिटयुट ऑफ मॅनेजमेंट स्टडिज ,बिल्डिंग नं.4 जनाद्व‍िप चेंदणी बुंडर रोड, ठाणे पश्चिम येथे आयोजित करण्यात आली आहे.अधिक माहितीसाठी समाज कल्याण निरिक्षक श्री. अळकुटे   यांना या 8237322630 क्रमांकावर संपर्क करावा, असे आवाहन   सहायक आयुक्त समाज कल्याण श्री.बलभीम शिंदे यांनी केले आहे. 000000          

  महाआवास योजनेतून जिल्ह्यातील गरजूंना दर्जेदार घरे मिळावीत            - पालकमंत्री एकनाथ शिंदे ठाणे , दि. 6 (जिमाका)   :   ठाणे जिल्ह्यातील जास्तीत जास्त गरजू , गरिबांना नागरिकांना महा आवास अभियानातून चांगल्या दर्जाची घरे मिळावीत. तसेच या अभियनातील उद्दिष्ट वेळेत पूर्ण करून महाआवास योजनेत ठाणे जिल्हा राज्यात अव्वल आणण्यासाठी प्रयत्न करावेत , असे आवाहन पालकमंत्री तथा नगरविकास मंत्री एकनाथ शिंदे यांनी आज येथे केले.             जिल्हा परिषद व जिल्हा ग्रामीण विकास यंत्रणेच्या माध्यमातून राबविण्यात येत असलेल्या महा आवास अभियान टप्पा 2 अंतर्गत ठाणे जिल्हास्तरीय कार्यशाळेच उद्घाटन पालकमंत्री श्री. शिंदे यांच्या हस्ते ऑनलाईन पद्धतीने झाले. यावेळी गृहनिर्माण मंत्री डॉ. जितेंद्र आव्हाड , जिल्हा परिषदेच्या अध्यक्षा पुष्पा पाटील , उपाध्यक्ष सुहास पवार , आमदार कुमार अयलानी , आमदार गीता जैन , जिल्हाधिकारी राजेश नार्वेकर , जिल्हा परिषदेचे मुख्य कार्यकारी अधिकारी डॉ. भाऊसाहेब द...