प्रादेशिक परिवहन कार्यालय, ठाणे येथे ऑटो रिक्षा वाहनांकरिता नवीन मालिका सुरु

ठाणे,दि.30(जिमाका):- प्रादेशिक परिवहन कार्यालय, ठाणे येथे VAHAN या संगणक प्रणालीवर परिवहन संवर्गांतील ऑटो रिक्षा वाहनांकरिता सध्या सुरु असलेली MH-04-LX मालिका संपल्यानंतर तात्काळ नवीन मालिका MH-04-MT सुरु करण्यात येणार आहे.

अटींना अधिन राहून आकर्षक व पसंतीच्या वाहन नोंदणी क्रमांकासाठी दि.01 जुलै 2025 पासून अर्ज स्विकारुन पसंतीचे व आकर्षक क्रमांक विहीत शुल्क आकारुन आरक्षित करण्यात येतील याची सर्व संबधितांनी नोंद घ्यावी, असे ठाणे उप प्रादेशिक परिवहन अधिकारी रोहित काटकर यांनी कळविले आहे.

00000