ठाणे शासकीय तंत्रनिकेतन मध्ये तात्पुरत्या स्वरूपात अभ्यासक्रमनिहाय / विषयनिहाय तासिका तत्वावर अभ्यागत अधिव्याख्यातांची (Visiting Lecturer) आवश्यकता

 

 

ठाणे,दि.26(जिमाका) : शासकीय तंत्रनिकेतन, ठाणे या संस्थेत शैक्षणिक वर्ष 2025-2026 च्या सम सत्राकरिता निव्वळ तात्पुरत्या स्वरूपात अभ्यासक्रमनिहाय / विषयनिहाय तासिका तत्वावर अभ्यागत अधिव्याख्यातांची (Visiting Lecture) आवश्यकता आहे. तरी इच्छुक व पात्र उमेदवारानी दि.29 डिसेंबर 2025 रोजी सकाळी ठिक 11.00 वाजता शासकीय तंत्रनिकेतन, ठाणे येथे संबंधीत विभागात शैक्षणिक मूळ कागदपत्रासह स्वखर्चाने मुलाखतीस हजर राहावे.

            उमेदवारांनी संबंधित विषयाचे सादरीकरण व मुलाखतीच्या तयारीने उपस्थित राहावे. तसेच सोबत स्वतःचा बायोडेटा, मूळ शैक्षणिक कागदपत्रे व कागदपत्रांच्या छायांकित प्रतींचा एक संच सोबत ठेवावा. निवड केलेल्या उमेदवारांना शैक्षणिक भारापोटी संद्धांतिक तासिकेस रूपये 800/- प्रति तास व प्रात्यक्षिक तासिकेस रू.400/- प्रति तास या दराने मानधन देय राहील.

            जाहिरात निव्वळ तासिका तत्वावर नियुक्तीसाठी असल्यामुळे भविष्यात नियमित नियुक्तीचा कुठलाही न्यायालयीन दावा करता येणार नाही. तसेच नियुक्तीपूर्वी उमेदवारांना विहीत नमुन्यातील अटी व शर्ती मान्यतेचे हमीपत्र भरून द्यावे लागेल.

विभाग/विषय :- 1. स्थापत्य अभियांत्रिकी, 2. उपयोजीत यंत्रशास्त्र, 3. विद्युत अभियांत्रिकी, 4. संगणक अभियांत्रिकी, 5. माहिती व तंत्रज्ञान, 6. रसायन अभियांत्रिकी, 7. प्रवास व पर्यटन,  8. अणुविद्युत्त अभियांत्रिकी,           9. यंत्रअभियांत्रिकी.

किमान शैक्षणिक अर्हता :- अभियांत्रिकीचे संबंधीत शाखेतील प्रथम श्रेणीतील पदवी.

विभाग/विषय :- 1. रसायनशास्त्र,  2. गणित (विज्ञान व मानव्य विभाग).

किमान शैक्षणिक अर्हता :- संबधीत विषयातील प्रथम श्रेणीतील पदव्यूत्तर पदवी, असे ठाणे शासकीय तंत्रनिकेतनचे प्राचार्य डॉ. दत्तात्रय रो.महाजन यांनी कळविले आहे.

0000000000000000