जिल्हा माहिती कार्यालय, ठाणे

  ठाणे दि. 1 ( जिमाका) जागतिक एड्स प्रतिबंध दिनानिमित्त उकृष्ट काम करणाऱ्या आरोग्य केंद्र व स्वयंसेवी संस्था यांचा जिल्हा शल्य चिकित्सक डॉ.कैलास पवार यांच्या हस्ते आज गौरव करण्यात आला. जिल्हा सामान्य रुग्णालयात झालेल्या या कार्यक्रमास ऑथोपेडिक सर्जन डॉ.भंडारी , जिल्हा एडस प्रतिबंध अधिकारी रतन गाढवे , अशोक देशमुख , डॉ.गिरीजा ठाकूर,श्रीम.ज्योती रासकर व कर्मचारी उपस्थित होत. यावेळी श्री.पवार म्हणाले की,नवीन एच.आय.व्ही.संसर्ग रोखणे, कलंक आणि भेदभावाच्या घटना रोखणे, एच.आय.व्ही. ने होणाऱ्या मृत्युचे प्रमाण शून्यावर आणणे. या दृष्टीकोनातून वाटचाल सुरु आहे. जिल्ह्यात एच.आय.व्ही. संसर्गितांची आकडेवारी कमी होत असल्याचे दिसत असून   सन 2030 पर्यंत   एड्स मुक्त भारत करण्याचे उद्द‍िष्टे आहे.यासाठी शासनाद्वारे सामाजिक संस्थांच्या मार्फत अनेक योजना राबविल्या जात असून जनजागृती करण्यात येत आहे. ठाणे सामान्य रुग्णालय यांच्या अंतर्गत कार्यरत आय.सी.टी.सी.,ए.आर.टी, रक्तपेढी, डि,एस आर सी प्राथमिक आरोग्य केंद्र, महानगरपालिके मधील आर.सी. एच व आर एन.टी. सी.पी मधील सेंटर मिनाताई ठाकरे रुग्ण...

  ठाणे दि. 03 (जिमाका) :- जिल्ह्यातील सार्वजनिक वितरण व्यवस्थेतील (रेशनिंग) केरोसीनच्या घाऊक व किरकोळ विक्री दरात सुधारणा करण्यात आली असून , या महिन्यासाठी जिल्ह्यातील सातही तालुक्यांकरिता सुधारीत किरकोळ विक्री दराबाबत जिल्हा पुरवठा अधिकारी राजू थोटे यांनी अधिसूचना आज जारी केली आहे. या अधिसूचनेनुसार ठाणे तालुक्यासाठी केरोसीनचा प्रति लिटर किरकोळ विक्री दर 49 . 63 रुपये असून उल्हासनगर तालुक्याकरीता 49 .88 रुपये , कल्याण 49 .80 रुपये , अंबरनाथ 49.88 रुपये , भिवंडी 49.72 रुपये , मुरबाड 50 .08 रुपये आणि शहापूर 50 .05 रुपये असा दर निश्चित करण्यात आला आहे. 000000  

  ठाणे, दि.३ (जिमाका): प्राथमिक आरोग्य केंद्र पडघा अंतर्गत मौजे सोरगाव, मातोश्री वृध्दाश्रमात दि. २७ नोव्हेंबरला ६२ ज्येष्ठ नागरिक पॉझिटिव्ह आढळून आल्यानंतर जिल्हा आरोग्य यंत्रणेकडून निकट सहवासितांच्या तपासणीमध्ये (कॉन्टॅक्ट ट्रेसिंग) आजपर्यंत १८ जण पॉझिटिव्ह आढळून आले आहेत. त्यामुळे या ठिकाणच्या रुग्णांची एकूण संख्या ८० झाली आहे. त्यापैकी ७९ जणांवर जिल्हा रुग्णालयात उपचार सुरू असून त्यातील ७५ रुग्ण सामान्य कक्षात तर ४ रुग्ण अतिदक्षता विभागात उपचार घेत आहेत, अशी माहिती जिल्हा आरोग्य अधिकारी डॉ. मनिष रेंघे यांनी दिली.   मातोश्री वृध्दाश्रमात दि. २७ नोव्हेंबरला एक आरटीपीसीआर आणि १०९ जणांची ॲण्टीजेन चाचणी करण्यात आली होती. त्यामध्ये आरटीपीसीआर चाचणीत एक जण तर ॲण्टीजेन चाचणीत ६१ जण असे एकूण ६२ जण पॉझिटिव्ह आढळले होते. त्यानंतर जिल्हा आरोग्य, ग्रामपंचायत यंत्रणेकडून या भागात आणि परिसरात   निकटसहवासितांची तसेच नातेवाईक, कर्मचारी यांची चाचणी करण्यात आली. त्याअंतर्गत दि.२९ नोव्हेंबरला ५२ जणांची आरटीपीसीआर चाचणी केली त्यामध्ये १७ जण पॉझिटिव्ह आढळले होते. नुकतेच दि. १ डिसें...

  पेन्शन अदालतीमध्ये झाले निवृत्तीवेतनधारकांच्या शंकाचे निरसन ठाणे,दि.३ (जिमाका) : सेवानिवृत्तांचे वेतन व भविष्य निर्वाह निधीसंबंधी येणाऱ्या अडचणीसंदर्भात तातडीने मार्ग काढून त्यांना वेळेवर निवृत्तीवेतन मिळेल यासाठी विविध विभागांच्या आहरण व संवितरण अधिकाऱ्यांनी प्रयत्न करावेत, असे आवाहन लेखा व कोषागारे विभागाचे सहसंचालक अनुदीप दिघे यांनी आज येथे केले. महालेखापाल कार्यालयाच्यावतीने ठाणे जिल्हा कोषागार कार्यालयात जिल्ह्यातील आहरण व संवितरण अधिकाऱ्यांची कार्यशाळा घेण्यात आली. त्याच्या उद्घाटनप्रसंगी ते बोलत होते. यावेळी  जिल्हा कोषागार अधिकारी राजेश भोईर, उपमहालेखापाल (निवृत्ती वेतन)  जिशू राजू, लेखा अधिकारी किर्ती दुभाषी, सहायक लेखा अधिकारी श्रीम. डी एन. पुजारी, वरिष्ठ लेखाधिकारी संध्या प्रभू  उपस्थित होते. कार्यशाळेच्या पहिल्या सत्रामध्ये सेवानिवृत्त कर्मचाऱ्यांचे नामनिर्देश पत्र भरुन घेताना घ्यावयाची काळजी, भविष्य निर्वाह निधीतून देयक बनवताना घ्यावयाची काळजी, मुदत पूर्व सेवानिवृत्ती वेतन, रुग्णता निवृत्तीवेतन, सेवानिवृत्त व कुटुंब निवृत्तीवेतन इत्यादी विषयावर...

          ठाणे दि . 03 ( जिमाका ) :- घोडबंदर रोडवरील पातळीपाडा उड्डाणपुलाजवळ , आजारी अवस्थेत सापडलेल्या अनोळखी   इसमाचा सायन रुग्णालयात उपचार सुरु असताना मृत्यु झाला . या इसमाबद्दल माहिती असल्यास कासारवडवली पोलीस ठाण्याशी संपर्क साधण्याचे आवाहन   कासार वडवलीच्या वरिष्ठ पोलीस निरीक्षकांनी केले आहे .             अनोळखी बेवारस मयत इसमाचे वर्णन   वय अंदाने 50 वर्षे वयोगटाचा , अंगाने सडपातळ , उभट चेहरा , गाल आत गेलेले , कपाळावर जखम दिसत आहे. अंगात नेसुस निळसर रंगाचा मळकटलेला हाफ बाहयाचा टी शर्ट व काळ्या रंगाची पॅन्ट होती . या व्यक्तिचे जर कोणी वारस   किंवा नातेवाईक असतील तर त्यांनी कासारवडवली पोलीस ठाण्याशी संपर्क साधावा, असे आवाहन करण्यात आले आहे . 000000

  ठाणे, दि. ३ (जिमाका): युवक कल्याण क्षेत्रात विकासाचे कार्य करणाऱ्या युवांसाठी तसेच संस्थासाठी जिल्हास्तरावर युवा पुरस्कार देण्यात येतो. युवा व संस्थांची दि.१ एप्रिल २०१९ ते ३१ मार्च २०२१ या कालावधीसह गेल्या तीन वर्षातील सर्वोत्कृष्ट कामगिरी विचारात घेतली जाईल. संबधितांनी या पुरस्कारांसाठी परिपूर्ण प्रस्ताव दि. १५ डिसेंबर पर्यंत सादर करण्याचे आवाहन जिल्हा क्रीडा अधिकारी स्नेहल सांळुखे यांनी केले आहे.             पुरस्कारासाठी निकष असे: एक युवक, एक युवती व एक नोंदणीकृत संस्था यांना जिल्हा युवा पुरस्कार देण्यात येणार आहे. त्यासाठी युवक व युवतीचे वय ३५ वर्ष, ठाणे जिल्हयात सलग पाच वर्षे वास्तव्य असणे आवश्यक आहे. केलेल्या कामाचे पुरावे सादर करणे आवश्यक आहेत.   पुरस्कार दिल्या नंतर दोन वर्षे कार्यरत राहणे, संस्था नोंदणीकृत तसेच किमान पाच वर्षे कार्यरत असणे आवश्यक असून संस्थेचे कार्य स्वयंस्फुर्तीने केलेले असावे. पुरस्काराचे प्रस्ताव जिल्हा क्रिडा अधिकारी कार्यालय, जिल्हाधिकारी परिसर, कोर्ट नाका जवळ, ठाणे येथे दाखल करावेत. ...

  ठाणे, दि. ३ (जिमाका): जिल्ह्यातील सुशिक्षीत व बेरोजगारांसह पशुपालक व शेतकरी बांधवांना स्वयंरोजगाराचे साधन उपलब्ध व्हावे म्हणून पशुसंवर्धन विभागामार्फत वैयक्तिक लाभाच्या योजना राबविल्या जातात. आता या जिल्हास्तरीय योजनांसाठी संगणक प्रणाली लागू करण्यात आली आहे. त्यासाठी उद्यापासून दि. ४ ते १८ डिसेंबर या कालवधीत ऑनलाईन अर्ज मागविण्यात आले आहेत. पशुपालकांनी   डेअरी, पोल्ट्री किंवा शेळीपालन   याबाबींसाठी अर्ज करण्याचे आवाहन जिल्हा पशुसंवर्धन उपायुक्त डॉ. प्रशांत कांबळे यांनी केले आहे. नाविण्यपूर्ण राज्यस्तरीय व जिल्हास्तरीय योजनेंतर्गत दुधाळ गाई-म्हशींचे गट वाटप करणे, शेळी-मेंढी गट वाटप करणे, कुक्कुट पक्ष्यांच्या संगोपनासाठी निवारा शेड उभारणीस अर्थसहाय्य देणे, कुक्कुट पिलांचे वाटप व तलंगा गट वाटप या योजनांसाठी ऑनलाईन पद्धतीने लाभार्थी निवड प्रक्रिया राबविली जात असल्याचे डॉ. कांबळे यांनी सांगितले. विविध योजना व उपक्रमांच्या माध्यमातून ग्रामीण भागातील पशुपालक, शेतकरी बांधवांना पशुसंवर्धन विभागाच्या वतीने वैयक्तिक लाभाच्या योजनांतर्गत प्रक्रिया अधिक पारदर्शक करण्यासाठी राज...